Cəmiyyət

AI ilə ayaqlaşmaq yox, onu qabaqlamaq lazımdır

10 Aprel 2026 12:52

Baxış: 596

VTB-də minimal faiz dərəcəsi ilə nağd kredit 9.9%-dən

"Süni intellektdən bir addım öndə olmaq lazımdır, onun arxasınca düşmək yox".

Milli.Az xəbər verir ki, bunu Misir Prezident Şurasının Təhsil Komitəsinin sədri, beynəlxalq mütəxəssis Dr. Hanan Khalifa Dövlət İmtahan Mərkəzinin yaradılmasının 10 illik yubileyi münasibətilə keçirilən "Qiymətləndirmə Sistemləri: Etimad, Şəffaflıq və İnnovasiya" mövzusunda beynəlxalq elmi-praktik konfransda deyib.

Onun sözlərinə görə, süni intellektdən istifadə zamanı yüksək səviyyəli qiymətləndirmə üçün etik prinsiplərin dərindən bilinməsi vacibdir:

"Süni intellekt tərəfindən aparılan qiymətləndirmə prosesi mütləq insan nəzarətindən keçir. İnsan yalnız texniki nəticələri deyil, həm də onların etik və mədəni həssaslığını qiymətləndirir".

Qeyd edib ki, təlim datasında milyonlarla ssenari formalaşdırılır və bu səbəbdən süni intellektdən istifadə zamanı yüksək səviyyəli qiymətləndirmə üçün etik prinsiplərin dərindən bilinməsi vacibdir.

Eyni zamanda nəzərə çatdırıb ki, süni intellektin gəldiyi nəticələri ictimaiyyətə anlaşılan şəkildə izah etmək də mühüm əhəmiyyət daşıyır. Yəni, qiymətləndirməni süni intellekt aparır, lakin onun şərhini insan verir:

"Əgər bu qiymətləndirmə nəticələrindən istifadə edən şəxslər onları başa düşmürsə, etibar formalaşmır, əksinə, yalnız asılılıq yaranır. Bu baxımdan, qiymətləndirmə qurumlarında nəticələri düzgün izah edə bilən kommunikasiya mütəxəssislərinin olması vacibdir. Bu proses davamlı xarakter daşımalıdır. Texnologiya inkişaf etdikcə, onu anlamaq və onunla ayaqlaşmaq üçün daha sürətli və çevik düşünmək bacarığına ehtiyac yaranır".

Mina Mikayılova

Milli.Az