Cəmiyyət

Vətən müharibəsində hər 2 gözünü itirən qazi KÖVRƏLTDİ - VİDEO

25 Fevral 2026 15:00

Baxış: 1 504

VTB-də minimal faiz dərəcəsi ilə nağd kredit 9.9%-dən

#CƏMİYYƏT #VİDEO #HƏRBİ QULLUQÇU #AZƏRBAYCAN ORDUSU #II QARABAĞ MÜHARİBƏSİ

Sosial şəbəkələrdə yayılan video izləyiciləri duyğulandırıb.

Milli.Az xəbər verir ki, Vətən müharibəsində hər iki gözünü itirən qazi Saməddin kövrək açıqlaması ilə diqqət çəkib.

Görmə qabiliyyətini tamamilə itirən qazi videoda valideynləri ilə bağlı hisslərini bölüşərkən göz yaşlarını saxlaya bilməyib. O, ən böyük ağrısının ata-anasının necə qocaldığını görə bilməməsi olduğunu deyib.

"Mən valideynlərimin necə qocaldığını görə bilmədim. Onların üzündəki dəyişiklikləri, saçlarına düşən ağları görmək qismət olmadı...".

Onun bu sözləri sosial mediada minlərlə insanı təsirləndirib. İzləyicilər şərhlərdə qaziyə dəstək mesajları yazaraq, onun fədakarlığını yüksək qiymətləndiriblər.

Qeyd edək ki, o, Vətən müharibəsində ağır yaralanaraq hər iki gözünü itirib.

Video qısa zamanda geniş yayılaraq böyük rezonans doğurub. Bir çox istifadəçi qazinin səbrini və valideynlərinə olan sevgisini nümunə göstərib.

Musa
Milli.Az