Cəmiyyət

Hamiləlikdə qrip və infeksiyalardan qorunmağın ƏN TƏSİRLİ YOLLARI

18 Fevral 2026 15:38

Baxış: 682

VTB-də minimal faiz dərəcəsi ilə nağd kredit 9.9%-dən

#HAMİLƏLİK #VİRUS İNFEKSİYALARI

"Hamiləlik zamanı qadının immun sistemi aşağı olduğuna görə, bu zaman hər bir virus və bakterial infeksiyaya qarşı həssaslıq yaranır".

Milli.Az xəbər verir ki, bunu canlı yayımda Səhiyyə Nazirliyinin mütəxəssis-eksperti Nigar Axundova deyib.

Onun sözlərinə görə virus infeksiyalar hamilə qadınlar üçün təhlükəlidir. Bu zaman ciftin trombozu, mamalıq qanaxmaları, dölün inkişafının dayanması və ya erkən doğuşlar ola bilər. Bir çox hallarda isə virus infeksiya süstgedişli və simptomsuz olsa da, döldə əsasən bətndaxili infeksiyalaşma və ona bağlı inkişaf qüsurları, patoloji hallar yaranır:

"Hamilələr qripdən sonra bəzən yanlış olaraq müalicə həkiminə yox, ultrasəs müayinəsinə gedərək sularının bulanıq olacağından narahat olurlar. Lakin əsas bu göstərici deyil. Əsas olan həkimin tövsiyəsi ilə Doppler USM-si ilə qan dövranının yoxlanılması və müəyyən qan testlərindən keçməsidir".

Qeyd edib ki, mövsüm qrip xəstəlikləri bronxit, pnevmoniya kimi kəskin respirator ağırlaşmalar verə bilər və bu proses artıq dölə də mənfi təsirlər göstərə bilər:

"Qeyd edim ki, Səhiyyə Nazirliyi tərəfindən əhali arasında profilaktik və əksepidemik tədbirlərin gücləndirilməsi üçün qrip əleyhinə Fransa şirkətinin istehsalı olan tam təhlükəsiz və yüksək keyfiyyətli vaksin preparatları gətirilib. Ona görə hər bir qadına tövsiyəmiz odur ki, hamiləlik planlaşdırmadan öncə ölkəmizdə hazırda mövcud olan qrip əleyhinə peyvənddən yararlansınlar. Hamilə qadınlara da bu tövsiyə olunur".

Mina Mikayılova
Milli.Az