Cəmiyyət

Yarımçıq tikilisi olan vətəndaşın pulu necə qorunacaq? - AÇIQLAMA

27 Yanvar 2026 11:56

Baxış: 780

VTB-də minimal faiz dərəcəsi ilə nağd kredit 9.9%-dən

#DAŞINMAZ ƏMLAK

Paytaxtda elə tikililər var ki, nə binadır, nə də xarabaxanadır. İnşaası yarımçıq saxlanılan kifayət qədər tikililər var. Bu halda isə vətəndaşlar ən çox ziyan görür. Belə ki, vətəndaş vədlərə aldanaraq tikintisi başlayan binadan ev alır və illərlə gözləyir ki, həmin mənzil hazır olsun.

Milli.Az xəbər verir ki, sözügedən problemlə bağlı deputat Razi Nurullayev təklif edib ki, belə hallarla rastlaşmamaq üçün tikinti şirkətləri vətəndaşa sığorta təminatı verməlidirlər:

"Vəsaitlər birbaşa MTK-ya yox, açılan depozit hesabına köçürülür və pul da oradan yalnız tikinti mərhələlərinə uyğun olaraq bank hesabından pulların çıxarılmasına icazə verilir. İstənilən halda vətəndaşın hüquqlarının qorunması üçün onların evlərindən məhrum olmaması üçün pulların dövlət zəmanətinə alınması çox vacibdir. Əgər tikinti yarımçıq qalarsa, vətəndaş ən azından öz pulunu ala bilsin".

Mövzu ilə bağlı əmlak eksperti Elnur Fərzəliyev bildirib ki, tikinti işlərini aparacaq şirkətdən bank zəmanəti tələb olunur ki, bu zaman bütün işləri görəcək bütün layihəni dəyərləndirir:

"Onun bəlli hissəsi isə inşaat şirkəti tərəfindən banka depozit olaraq qoyulur və həmin bank tikinti şirkətlərinə aidiyyatı qurumları təqdim etmək üçün bank zəmanəti adlı məktub verir. Məqsəd ondan ibarətdir ki, gələcəkdə həmin tikinti şirkəti iflasa uğrasa, və ya işləri davam etdirə bilməsə tikinti şirkətinin bank hesabında olan depozit hesabına tikinti davam etdirilə bilsin".

Aysel
Milli.Az