Cəmiyyət

Qarabağda bu sahələrə işçi axtarılır: 1000- 1584 manat... - SİYAHI

20 Yanvar 2026 20:12
Baxış: 3 731
VTB-də minimal faiz dərəcəsi ilə nağd kredit 9.9%-dən
#QARABAĞ

Qarabağda müxtəlif sahələr üzrə vakansiyalar elan edilib.

Milli.Az-ın ölkə.az-a istinadən məlumatına görə, "Laçın" İstirahət Kompleksinə orta təhsilli masajçı axtarılır.

Bu iş qarşılığında isə 900 manat maaş təklif olunur.

Daha bir vakansiya isə bank sahəsi üzrədir. Belə ki, "ACCESSBANK" QSC Mikro və aqro müştərilər üzrə kiçik mütəxəssis işi üçün ali təhsilli işçi axtarır.
25-45 yaş tələbi olan iş üçün 500-600 manat ödənilcəyi bildirilir.

"Dost Agropark" MMC isə Zəngilanda orta təhsilli şəxsləri 1000 manat qarşılığında traktor/kombayn sürücüsü işləməyə çağırır.

"Global İnteriors Group" MMC isə Cəbrayılda orta təhsilli şəxslər üçün sürücü - bekoloder işi üzrə vakansiya elan edib. Bu işin qarşılığında isə təklif olunan maaş 1584 manatdır.

Laçında isə "Yaşıl Enerji Elektrik Stansiyası" MMC (AZƏRENERJI) ali təhsilli mühəndislərə 1250 manat qarşılığında iş təklif edir. Bu vakansiya üçün yaş tələbi 25-55 yaş aralığıdır.

Vakansiyalar üçün işəqəbul prosesində məcburi köçkün statusu olan şəxslərə üstünlük veriləcək.

CV göndərərkən elektron poçtunuzda "mövzu" hissəsində müraciət etdiyiniz vakansiyanın adı qeyd edilməli, CV-lər [email protected] elektron poçt ünvanına göndərilməlidir.

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.