Cəmiyyət

“Culfa” gömrük postunda Polşaya gedən yükdən 39 kiloqram heroin tapıldı.

19 Yanvar 2026 09:37

Baxış: 417

VTB-də minimal faiz dərəcəsi ilə nağd kredit 10.49%-dən

#GÖMRÜK

Xüsusi üsulla gizlədilmiş 39 kiloqramdan artıq heroin aşkar edildi.

Milli.Az xəbər verir ki, bu barədə Dövlət Gömrük Komitəsi məlumat yayıb.

Bildirilib ki, Naxçıvan Baş Gömrük İdarəsi əməkdaşlarının həyata keçirdiyi tədbirlər nəticəsində xüsusilə külli miqdarda narkotik vasitə aşkar edilərək qanunsuz dövriyyədən çıxarılıb.

"Culfa" gömrük postunda ölkəmizdən tranzit keçməklə İrandan Polşaya "plastik üzlük lövhələr" yükü aparan nəqliyyat vasitəsi gömrük yoxlamasına cəlb edilib.

Yoxlama zamanı nəqliyyat vasitəsindəki plastik üzlük panellərin içərisinə malların aşkarlanmasını çətinləşdirən üsullardan istifadə edilməklə yerləşdirilərək sıxışdırılmış 780 ədəd paketdə, ümumi təmiz çəkisi 39 kiloqram 315,246 qram xüsusilə külli miqdarda narkotik vasitə - heroin aşkar edilib.

Faktla bağlı araşdırma aparılır.

Ayxan

Milli.Az