Cəmiyyət

Sumqayıt sakinləri şikayətçidirlər - SƏBƏB

7 Yanvar 2026 20:00
Baxış: 2 041
VTB-də minimal faiz dərəcəsi ilə nağd kredit 9.9%-dən
#BİNA #SUMQAYIT

Sumqayıt şəhərinin 17-ci mikrorayonunda, 46-cı binanın yaxınlığında uşaqlar üçün əyləncə zonası yaradılacağı bildirilib.

Milli.Az xəbər verir ki, işlər artıq ərazidə başlayıb və sakinlər əvvəlcədən məlumatlandırılıb.

Lakin yerli sakinlər layihəyə etiraz edirlər. Onların fikrincə, qurğuların quraşdırılması avtomobillərin dayanması üçün yerlərin azalmasına səbəb olacaq:

"Biz buna qarşıyıq. Uşaqlar üçün sahə kiçikləşəcək, maşın park etmək isə çətin olacaq. Təcili vəziyyətdə maşını çıxarmaq mümkün olmayacaq. Əyləncə qurğuları adı ilə işlər aparılır, amma sonradan binalar tikilərək ərazinin strukturu dəyişə bilər".

Məsələ ilə bağlı Sumqayıt Şəhər İcra Hakimiyyətinin mətbuat katibi Eyvaz Qocayev isə bildirib ki, layihənin məqsədi sakinlər üçün nümunəvi istirahət sahələri yaratmaqdır. Onun sözlərinə görə, işlər tezliklə tamamlanacaq və ərazi sakinlərin istifadəsinə veriləcək.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.