Cəmiyyət

Yumurta kəskin bahalaşdı - Səbəb nədir? - AÇIQLAMA

15 Dekabr 2025 11:14

Baxış: 5 627

VTB-də minimal faiz dərəcəsi ilə nağd kredit 9.9%-dən

#BAHALAŞMA

Broyler toyuqlarının yumurtasının qiyməti bahalaşıb.

Milli.Az xəbər verir ki, satıcıların sözlərinə görə, son günlərdə yumurtanın qiyməti 5-7 qəpik artıb:

"Əvvəllər 13-15 qəpiyə satırdıq, amma indi 20 qəpikdir. Qış mövsümü olduğu üçün yumurta azalıbdır. Toyuqların bəzilərini mövsümü xəstəliklər tutub. Toyuq əvvəlki qədər yumurtlaya bilmir. Ona görə də qıtlıq yaranıb".

Alıcılar da qiymət artımını təsdiqləyirlər. Onların sözlərinə görə, artım həm kənd, həm də brolyer yumurtalarında özünü göstərir.

Məsələ ilə bağlı Azərbaycan Quş Əti, Yumurta İstehsalçıları və İxracatçıları Assosiasiyasından bildirildi ki, broyler yumurtalarına tələbat artıb:

"Yay aylarında tələbat 3 milyon 600mindirsə, qış aylarında bu rəqəm 4 milyon 600 minə çatır. Qiymət isə hazırda 16-19 qəpik arasıdır. Tələbin artması qiymətin bahalaşmasına səbəb olur".

Qeyd edək ki, kənd yumurtasının qiyməti isə 50 qəpiyə qədər artıb.

Aysel Əkbər
Milli.Az