Cəmiyyət

“Həyətdə tərpənməyə yer yoxdur, maşınımız dəfələrlə vurulub”

23 Oktyabr 2025 17:21

Baxış: 1 055

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Yasamal rayonu, Şərifzadə küçəsi 148-156 ünvanında yaşayan sakinlər yaxınlıqda fəaliyyət göstərən obyektlərin sahiblərindən şikayətçidirlər.

Milli.Az xəbər verir ki, onların sözlərinə görə, obyekt sahibləri və işçiləri binanın həyətində avtomobillərini saxlayır, nəticədə sakinlər üçün yer qalmır.

Sakinlər bildirirlər ki, vəziyyət o həddə çatıb ki, uşaqlar üçün nəzərdə tutulan oyun meydançası da maşınlarla dolub:

"Artıq həyətə daxil olmaq belə çətindir. Daim səs-küy, tıxac yaranır. Maşınlarımız bir neçə dəfə zədələnib, amma kimin vurduğunu tapmaq mümkün olmayıb",- deyə ərazidə yaşayanlardan biri söyləyib.

Obyekt sahibləri isə vəziyyəti fərqli cür izah edirlər:

"Bəzən mal gətirib boşaldıram və dərhal çıxıram. Sadəcə, son vaxtlar küçədə park yerləri pullu olduğuna görə hər kəs məhəlləyə girməyə çalışır".

Məsələ ilə bağlı Yasamal Rayonu İcra Hakimiyyətinin mövqeyini öyrənməyə çalışsaq da, amma cavab ala bilmədik.

Asya Hüseyn
Milli.Az