Cəmiyyət

Boşanmalardan sonra cinayət halları niyə artıb? - AÇIQLAMA

17 Oktyabr 2025 11:30
Baxış: 1 394
VTB-də minimal faiz dərəcəsi ilə nağd kredit 9.9%-dən
#HADİSƏ #CƏMİYYƏT #KRİMİNAL

Son illərdə boşanmalardan sonra qadınlara qarşı zorakılıq və cinayət hadisələrinin artması cəmiyyətdə ciddi narahatlıq doğurur. Mütəxəssislər bildirirlər ki, bu problemin kökündə əsasən psixoloji asılılıq, qısqanclıq, sosial təzyiqlər və ailədaxili zorakılıq dayanır. İnsanların emosional durumu boşanma sonrası dönəmdə xüsusilə həssas olur və bu, bəzi hallarda aqressiv davranışlara yol açır.

Milli.Az xəbər verir ki, sosioloq Üzeyir Şəfiyev isə məsələyə daha geniş kontekstdə yanaşır.

O, cəmiyyətin boşanmaya qarşı olan mənfi münasibətinin həm kişilərin, həm də qadınların psixoloji vəziyyətinə təsir etdiyini bildirir:

"Boşanma halı bir çox ailədə tabu kimi qəbul edilir və bu səbəbdən də insanlar bu prosesi ailə faciəsi kimi qiymətləndirirlər. Əslində isə boşanma bəzən problemlərin həll yolu ola bilər və psixoloji hazırlıqla bu mərhələ daha sağlam şəkildə keçilə bilər".

O, həmçinin boşanma ərəfəsində olan şəxslərin mütəxəssislər tərəfindən psixoloji dəstək almasının vacibliyini qeyd edir.

Qeyd edək ki, cari ilin yanvar-avqust aylarında 31 403 nikah və 13 869 boşanma halı qeydə alınıb. Bu barədə Dövlət Statistika Komitəsindən məlumat verilib. Bildirilib ki, ötən ilin müvafiq dövrü ilə müqayisədə əhalinin hər min nəfərinə nikahların sayı 4,5-dən 4,6-ya qədər artıb. Boşanmaların sayı isə 2,1-dən 2-yə düşüb.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.