Cəmiyyət

Yeni dələduzluq üsulu - Qadınları ad günündə belə aldadırlar

29 Sentyabr 2025 11:02

Baxış: 2 235

VTB-də minimal faiz dərəcəsi ilə nağd kredit 9.9%-dən

#CƏMİYYƏT #RUSİYA #DƏLƏDUZLUQ #FIRILDAQ #KİBERCİNAYƏT

Rusiyada dələduzlar qadınları ad günlərində xüsusi sxemlə aldatmağa başlayıblar.

Milli.Az bildirir ki, "Shot" teleqram kanalının verdiyi məlumata görə fırıldaqçılar özlərini ad günü olan şəxslərə "kuryer xidməti" kimi təqdim edərək guya yaxınlarından gələn hədiyyə və gül dəstələrinin çatdırılmasını vəd edirlər.

Onlar ad günü olan qadınlara zəng edərək "sürpriz hədiyyə"nin göndərildiyini bildirir və guya çatdırılmanı razılaşdırmaq üçün şəxsi məlumatlar, ünvan və pasport məlumatlarını tələb edirlər. Daha sonra zərərçəkənlərə SMS kod göndərilir və "təsdiq" adı altında həmin kodla bank hesablarına giriş əldə edilir.

Bəzi qadınlar vaxtında şübhələnərək məlumat paylaşmaqdan imtina edir, lakin digərləri pullarını itirirlər.

Mütəxəssislər və hüquq-mühafizə orqanları vətəndaşları diqqətli olmağa çağırır. Xüsusilə vurğulanır ki, kuryer xidmətləri heç vaxt pasport məlumatı və ya SMS kodu tələb etmir.

İsmayıl
Milli.Az