Cəmiyyət

Məktəbli formaları ilə bağlı XƏBƏRDARLIQ - Bu nüanslara DİQQƏT

29 İyul 2025 13:04

Baxış: 6 371

VTB-də minimal faiz dərəcəsi ilə nağd kredit 9.9%-dən

#CƏMİYYƏT #MƏKTƏBLİ

Hər yay iyul-avqust aylarından başlayaraq mağazalarda məktəbli formalarına rast gəlirik. İldən ilə artan bu çeşidlər müştərilərə həm də ucuz təklif olunur.

Bəs bu geyimlər standartlara cavab verirmi?

Məsələ ilə bağlı Milli.Az-a marketoloq Elxan Mərdanov bildirir ki, bu məsələdə valideynlər diqqətli olmalıdırlar:

"Valideyn məhsulu alarkən onun harda tikildiyinə diqqət etməlidir. Parça çox önəmlidir. Bəzi parçalar tullantılardan, bəziləri neft kimyadan, pambıqdan, ipəkdən hazırlanır. Bunların hamısı ziyan deyil. Amma bunlar standartlar altında istehsal olunaraq bazara daxil olmalıdır".

Məlumdur ki, illərdir məktəbli formalarının tikişi ilə Bakı Tikiş Evi məşğul olur.

Məsələ ilə bağlı BTŞ-nin satış müdiri Etibar Əzimov bildirib ki, mənşəyi bilinməyən məhsullarla mübarizə aparmaq üçün bu il qiymətlərdə endirimlər olub:

"İyul ayının 1-dən bir çox məhsula 25 faizdən başlayaraq endirim tətbiq olunub. Keyfiyyətsiz məhsula baxan kimi hiss olunur. Onlar pambıq olmur, ona görə də 1 dəfə yuyulan kimi tük effektləri itir. Həmin geyimlərin tikişi də fərqli və səliqəsiz olur".

Qeyd edək ki, bir az baha amma keyfiyyətli parçadan hazırlanan formaları uzun müddət geyinmək mümkündür. Necə deyərlər, ucuz ətin şorbası olmaz. Olsa da, dadsız və duzsuz olar.

Aysel Əkbər
Milli.Az