Cəmiyyət

Bu yoldan keçmək ürək istəyir - Şamaxı camaatından ŞİKAYƏT

26 May 2025 13:25

Baxış: 1 533

VTB-də minimal faiz dərəcəsi ilə nağd kredit 9.9%-dən

#CƏMİYYƏT #YOL

İntensiv yağıntılar bölgələrdə təhlükəli fəsadlar yaratmağa davam edir. Son günlər yağan güclü yağışlar Şamaxı rayonunda torpaq sürüşməsi və uçqunlara səbəb olub.

Milli.Az xəbər verir ki, ən ciddi hal isə Şamaxı-Dəmirçi avtomobil yolunun 21-ci kilometrliyində qeydə alınıb.

Hadisə nəticəsində yolun bir hissəsinə iri qaya parçaları və torpaq tökülüb, bu isə nəqliyyatın hərəkətini ciddi şəkildə məhdudlaşdırıb. Həmin hissədə avtomobillərin keçidi ya çətinləşib, ya da tamamilə dayanıb.

Yerli əhali və sürücülər vəziyyətdən narazıdır. Onların sözlərinə görə, ərazi onsuz da sürüşməyə meyillidir və son vaxtlar aktivlik daha da artıb, yağışlı havalarda həmin yolda hərəkət etmək təhlükəli hal alır:

"Bu yolda maşın sürmək mümkün deyil. Hər yer uçur, palçıq içindədir. Ərazini tanımayan biri üçün bura çox risklidir".

Qeyd edək ki, bu cür sürüşmə hadisələri sözügedən yolda ilk dəfə baş vermir.

Asya
Milli.Az