Cəmiyyət

Kubinkada nə baş verir? - Sakinlər etiraz edir

8 Aprel 2025 10:45

Baxış: 3 313

VTB-də minimal faiz dərəcəsi ilə nağd kredit 9.9%-dən

#BAKI #SÖKÜNTÜ

Paytaxtın Nəsimi rayonundu Kubinka kimi tanınan ərazisində bir müddət əvvəl söküntü işləri aparılsa da proses tamamlanmayıb. Bu dəfə söküntü 4 mərtəbəli qeyri-yaşayış obyektində aparılır.

Milli.Az xəbər verir ki, ərazidə yaşayan sakinlərin sözlərinə görə, onların mənzillərinə zərər vurulub. Sakinlər ərazidəki səsdən, tikinti şirkəti ilə razılığa gələ bilməməsi, və mənzillərinə dəyən zərərdən narazıdırlar.

Məsələ ilə bağlı tiktinti şirkətindən bildirildi ki, söküntü 4 mərtəbəli qeyri-yaşayış obyektində aparılır.

"Ərazidə olan sakinlərin mənzilinə heç bir ziyan dəyməyib, yalnız dam örtüyünə ziyan dəymişdi ki, onu da dəyişdirmişik. Hazırda söküntü müqavilə bağlanan evlərdə aparılır.

Sakin Zümrüd Ələsgərova ilə hələ də müqavilə bağlanmaması səbəbinə gəldikdə isə, 97 kv mənzil üçün 2 milyon manat istəməsi olub. Digər sakinlər isə bazar qiymətindən artıq məbləğ istəyirlər".

Qeyd edək ki, söküntüdən sonra həmin ərazidə təhsil ocağının inşa edilməsi nəzərdə tutulub.

Aysel Əkbər
Milli.Az