Cəmiyyət

Sığınacaqda uşaqlar virusa necə yoluxub? - AÇIQLAMA

3 Aprel 2025 15:30

Baxış: 1 581

VTB-də minimal faiz dərəcəsi ilə nağd kredit 9.9%-dən

#TƏBİB

"Azərbaycan Uşaqları" İctimai Birliyinin sığınacağında 8 uşağa virus yoluxub.

Milli.Az xəbər verir ki, hazırda üç uşaq xəstəxanada, beş uşaq isə həkimlərin yazdığı təyinatlar əsasında sığınacaqda müalicə alırlar.

Sığınacağın rəhbəri Kəmalə Ağazadə bildirib ki, virus uşaqlara bayram günü sığınacağa yeni gətirilən digər uşaqlardan keçib.

"İlkin lazimi tədbirləri gördük. Amma gördük ki, virus digər uşaqlara da yayıldı. Bu baxımdan onların arasından ağırlaşan uşaqları Nizami Uşaq Yoluxucu Xəstəlikləri Xəstəxanasına yerləşdirildi. Rotavirusdur. Ürəkbulanma, qusma, yüksək qızdırma ilə başlayır. Bəzi uşaqlarda burundan qanaxma, ishal halları da olub. Hazırda vəziyyətləri orta ağır qiymətləndirilir. Uşaqlar N.Nərimanov adına 1 nömrəli uşaq yoluxucu xəstəliklər xəstəxanasında müalicə alırlar. 14 uşaq sanatoriyadadır, 24 uşağın isə yoluxma təhlükəsi var", - deyə K.Ağazadə bildirib.

TƏBİB-dən isə bildirildi ki, Nizami Uşaq Yoluxucu Xəstəlikləri Xəstəxanasına hospitalizasiya olunan uşaqların vəziyyətləri stabildir.

"Mövsümi xarakter daşıyan yuxarı tənəffüs yollarının kəskin xəstəlikləri səbəbilə iki uşaq hospitalizasiya olunub. Martın 31-də yerləşdirilən 2019-cu il təvəllüdlü şəxsə (qadın cinsli) və aprelin 1-də yerləşdirilən 2021-ci il təvəllüdlü şəxsə (kişi cinsli) yuxarı tənəffüs yollarının dəqiqləşdirilməmiş infeksiyası diaqnozu təyin edilib. Hazırda müvafiq şöbədə müalicələri davam etdirilir, vəziyyətləri stabildir", - deyə məlumatda vurğulanır.

Aysel Əkbər
Milli.Az