Cəmiyyət

Bu meyvələrin qiymətinin bahalaşması gözlənilir

1 Aprel 2025 14:42
Baxış: 1 199
VTB-də minimal faiz dərəcəsi ilə nağd kredit 9.9%-dən
#QİYMƏT #BAHALAŞMA

Fevral ayının sonlarına doğru müşahidə edilən güclü şaxtalar və bunun ardınca havanın sürətlə istiləşməsi bölgə bağçılığında ciddi problemlərə yol açıb.

Milli.Az xəbər verir ki, bir neçə gün ərzində temperaturun 25-30 dərəcəyə qədər yüksəlməsi ağacların erkən tumurcuqlamasına və bəzi növlərin çiçək açmasına səbəb oldu. Lakin bu mülayim hava şəraiti qısa müddət ərzində sona çataraq havanın yenidən kəskin soyuması ilə əvəzləndi. Temperatur sıfır dərəcəyə endi və bu, bitkilər üçün çox çətin şərait yaradırdı.

Bağ sahiblərinin bildirdiyinə görə, bu hava dəyişikliyi bitkilərə xüsusən də meyvə ağaclarına ciddi ziyan vurub. Şaftalı və ərik ağaclarının çiçəkləri bu soyuq havadan təsirlənərək yanıb və məhsul əldə etmək şansı olduqca azalıb:

"Hava belə olduğuna görə çiçəklər yandı. Təxminən 70 faiz şaftalı və ərik ağacından məhsul gözləmirik. Çiçək töküldükdən sonra ağac yenidən yarpaqlamağa başlayır, amma məhsul olmur".

Bu çətin hava şəraiti kənd təsərrüfatında məhsuldarlığın azaldığını və meyvələrin qiymətlərinin yüksələcəyini göstərir. Bağ sahibləri əvvəlki illərlə müqayisədə məhsulun azalması səbəbindən bazarda qiymət artımının gözlənildiyini bildirirlər. Meyvələrin qiymətlərindəki artım fermerlər üçün iqtisadi cəhətdən çətinliklər yaratsa da, istehlakçılar üçün də daha yüksək qiymətlərə səbəb ola bilər. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.