Səssiz ölüm - Dəm qazı

25 Yanvar 2025 07:15

Baxış: 1 152

VTB-də minimal faiz dərəcəsi ilə nağd kredit 9.9%-dən

Hər il havaların soyuması ilə əlaqədar olaraq dəm qazı zəhərlənmələri və bunun nəticəsində ölüm halları da artır. İsti su, mətbəx və istilik sistemlərindən istifadə zamanı düzgün ventilyasiya təmin olunmadıqda evlərdə yığılan bu zəhərli qaz həyat üçün ciddi təhlükə yaradır. Təəssüf ki, bu mövzu ilə bağlı edilən xəbərdarlıqlar və təhlükəsizlik tədbirləri hələ də çox vaxt nəticəsiz qalır. Hər il qış mövsümündə dəm qazından zəhərlənən və həyatını itirən insanların sayı artır.

Bəs dəm qazı ölüm hallarından necə qoruna bilərik?

Mövzu ilə bağlı təhlükəsizlik məsələləri üzrə ekspert Elmar Nuraliyev danışıb.

O bildirib ki, evlərdə istilik sistemləri və qaz qurğularının düzgün quraşdırılması, tez-tez yoxlanılması və hava axınının təmin edilməsi kimi vacib qaydalara əməl olunmasını tövsiyə edirlər.

"Həmçinin, qazın mənbəyindən yaranan problemlər barədə xəbərdar olan və müvafiq xidmətlərə müraciət edən şəxslərin sayının artması bu cür faciələrin qarşısını almağa kömək edərdi. Dəm qazı təhlükəsi ilə bağlı xəbərdarlıqlara ciddi yanaşmaq, həyatımızı qorumaq üçün çox vacibdir. Qazın təhlükəsiz istismarının vacibliyini vurğulayır və bildirirlər ki, düzgün istifadə olunmayan qazın zəhərlənməyə, yanğın və ya partlayışa səbəb ola biləcəyi barədə xəbərdarlıq edirlər. Qazın fiziki və kimyəvi xassələri yanma, partlayış və dəm qazına çevrilmə riskini daşıyır. Qazdan istifadə edən evlərdə xüsusilə dəm qazı sızması və zəhərlənmənin qarşısını almaq üçün detektorların olması mühüm əhəmiyyət kəsb edir. Bu detektorlar, qaz sızması halında siqnal verərək ətrafa xəbərdarlıq edərək, insanların faciəvi hadisələrin qurbanı olmasının qarşısını alır.

Bundan əlavə qaz cihazlarının yerləşdiyi otaqlarda mütləq havalandırma və ventilyasiya təmin olunmalıdır. Tüstü bacası işlək vəziyyətdə saxlanılmalı, yanma üçün kifayət qədər oksigen mövcud olmalıdır. Otaqda havalandırma olmadan yanma prosesi pozulur və nəticədə dəm qazının yayılmasına səbəb olur. Buna görə də, qaz cihazı olan otaqda havalandırma, ventilyasiya və tüstü bacası mütləq işlək vəziyyətdə olmalıdır. Həmçinin, otağın ölçüsü də nəzərə alınmalıdır. Məsələn, iki gözlü qaz sobası üçün otağın sahəsi ən azı 8 kvadratmetr, üç gözlü qaz sobası üçün 12 kvadratmetr, dörd gözlü qaz sobası üçün isə 15 kvadratmetr olmalıdır. Bu qaydalara riayət edərək, qazdan daha təhlükəsiz istifadə etmək mümkündür".

Asya
Milli.Az

Səssiz ölüm - Dəm qazı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?