PUL
.jpg)
Yeni il gecəsi üçün restoranlar müxtəlif qiymət aralıqlarında maraqlı təkliflər təqdim edir. 2024-cü ilin ilk anlarını xüsusi etmək istəyənlər üçün Azərbaycandakı restoranlar, zövqlü menyular, canlı musiqilər və şənliklər ilə mükəmməl bir gecə vəd edir. Qiymətlər isə yerə və təqdim edilən xidmətlərə görə dəyişir.
Milli.Az xəbər verir ki, bayrama az qalıb, artıq restoranlarda yer tapmaq çətinləşib.
Restoranlarda depozit 100-150 manatdan başlayaraq, 400-450 manat arasında dəyişir.
Qiymətlər bayram şousu, menyu, restoranın yerləşmə ərazisinə uyğun olur.
Diqqət ediləsi məqam budur ki, bir neçə saat üçün böyük həcmdə ödənən məbləğ vətəndaş xidmətdən razı qalmadıqda geri qaytarılmır. Məsələ ilə bağlı Antiinhisar və İstehlak Bazarına Nəzarət Dövlət Xidmətindən bildirilib ki, sahibkarlar qanunvericiliyə əməl etməklə göstərdikləri xidmətlərin qiymətini sərbəst müəyyənləşdirmək hüququna malikdirlər. Odur ki, öncədən bu kimi halları nəzərə almalıdırlar ki, həm pullarından olmasınlar, həm də vaxtlarından.
Yeni il gecəsi restoranlar tərəfindən təqdim edilən müxtəlif qiymət təklifləri ilə daha da unudulmaz hala gəlir. Hər kəsin büdcəsinə və tələblərinə uyğun bir təklif mövcuddur, buna görə də yerinizi əvvəlcədən rezerv etmək tövsiyə olunur.
Aysel Əkbər
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
