Cəmiyyət

Texniki baxışla bağlı YENİLİK - Özəl servislərə verilə bilər

27 Noyabr 2024 22:38
Baxış: 2 439
VTB-də minimal faiz dərəcəsi ilə nağd kredit 9.9%-dən
#AVTOMOBİL

2018-ci ildə Azərbaycan Respublikasında Yol Hərəkəti Təhlükəsizliyinə dair 2019-2023 illər üçün Dövlət Proqramı təsdiq edilib. Proqramda yol hərəkətinin təhlükəsizliyini təmin edəcək bir sıra məqamlar nəzərdə tutulub. Həmin dövlət proqramlarında avtomobillərin özəl servislərdə də texniki baxışdan keçirilməsi nəzərdə tutulub. Artıq 2024-cü ildir dövlət proqramının müddəti bitib, amma bu müddəa hələ də yerini tapmayıb.

Məsələ ilə bağlı Milli.Az-a nəqliyyat məsələləri üzrə ekspert Eldəniz Cəfərov deyib ki, avtomobillərin özəl servislərdə baxışdan keçirilməsi bir çox ölkələrdə çoxdan tətbiq olunur. Bu qaydanın ölkəmizdə tətbiq olunmasının qarşısını alan bir sıra səbəblər var.

Ekspert bildirib ki, ilk olaraq qanunvericilikdə dəyişiklik edilməsi lazımdır. 

"Bu işi görən servis mərkəzləri sertifikatlaşdırılmalıdır. Onlara xüsusi lisenziya verilməli və rüsumlar təyin edilməlidir. Bu sistemin tətbiq olunduğu halda xidmət üçün rüsumlar müəyyən olunmalıdır".

Bəs servis mərkəzləri bu xidməti göstərməyə hazırdırmı?

Servislərdən bildirilib ki, onlara dövlət dəstəyi lazımdır. Texniki baxışı həyata keçirmək üçün servisin maddi-texniki bazası olmalıdır. Diaqnostik aparatların qiymətləri bahadır, buna görə də servisə dövlət dəstəyi lazımdır ki, bu xidməti göstərə bilsinlər.

Aysel Əkbər
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.