PUL
.jpg)
Artıq ADY ilə ölkədaxili marşrutlar üzrə səfər edən vətəndaşlara biletlər standart qiymətlərlə satılmır. Belə ki, əvvəldən bilet alan şəxslər aşağı məbləğdə, səfər gününə yaxın bilet alanlar isə daha çox pul ödəməli olurlar. Bu dəyişikliklərdən isə vətəndaşların xəbəri yoxdur.
Məsələ ilə bağlı ADY-dən Milli.Az-a bildirildi ki, dinamik qiymət siyasətinin daxil olduğu loyallıq proqramına bir neçə gündür ki, başlanılıb.
Bu proses noyabr ayının 1-dən start götürüb.
"Bu ilk növbədə sərnişinlərə səfərlərini əvvəlcədən daha rahat təşkil etməyə imkan verir. Həmçinin ADY-yə əlavə qatar reyslərini daha operativ müəyyən etməyə şərait yaradır. Əsasən bayram günlərində, həftəsonu əlavə reyslər təyin olunurdusa, indi tələbatdan asılı olaraq təyin olunur.
Eyni zamanda sərnişinlər daha tez bilet əldə etdikdə onlara daha çox güzəştlər olur. Qiymət isə bayram günləri və həftəsonlarında dəyişə bilər. Amma 2-3 həftə əvvəldən bileti daha ucuz əldə etmək olur".
Qeyd edək ki, ölkə ərazisində ADY dəmir yolu qatarları Abşeron dairəvi dəmir yolu xətti istisna olmaqla Bakı-Agstafa-Bakı, Bakı-Qəbələ-Bakı istiqamətində hərəkət edir.
Aysel Əkbər
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
