Cəmiyyət

Sərnişinlər bu marşrut avtobuslarından narazıdır - VİDEO

9 Fevral 2024 23:07
Baxış: 1 227
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

171 saylı marşrut avtobuslarının hərəkət intervalının çox olduğu və axşam saatlarında isə əksəriyyətinin fəaliyyət göstərmədiyi deyilir.

Milli.Az Xezerxeber.az-a istinadən bildirir ki, söhbət "Koroğlu" metrostansiyasından Bilgəh qəsəbəsi istiqamətində hərəkət edən 171 saylı marşrut avtobuslarından gedir.

Sərnişinlər bildirirlər ki, bu marşrut xəttindəki avtobuslar onları mənzil başına vaxtında çatdırmır. Həmçinin sürücülər saat 21:15-dən sonra avtobusu son dayanacağa qədər idarə etməyərək yarı yoldan qayıdırlar. Ona görə də sərnişinlər də taksilərdən istifadə etmək məcburiyyətində qalırlar. Ötən gün də sürücülərdən biri sərnişinləri yarı yolda qoyub.

Sürücülər isə axşam saatlarında sonuncu dayanacağa qədər getməməklə bağlı iddialarla razılaşmırlar.

Məsələ ilə bağlı Yerüstü Nəqliyyat Agentliyindən bildirildi ki, həmin marşrut xəttində sözügedən faktların olduğu aşkarlanıb və qanunamüvafiq tədbirlər görülüb.

Daşıyıcı şirkətin nümayəndəsi isə "Xəzər Xəbər"ə bildirdi ki, 171 saylı marşrut xəttindəki avtobuslar yaxın günlərdə kartla ödəniş sisteminə keçəcək. Ondan sonra da bu cür problemlər tamamilə aradan qalxacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.