Cəmiyyət

VTB (Azərbaycan) uşaqlar və qocalar üçün “Nəsillərin əlaqəsi” adlı tədbir təşkil edib

15 Mart 2023 11:40

Baxış: 1 638

#İQTİSADİYYAT #BANKLAR

VTB (Azərbaycan) uşaq və qocalar evlərinin sakinləri üçün "Nəsillərin əlaqəsi" adlı sosial tədbir təşkil edib.

Tədbir qocalar evləri və uşaq evləri sakinlərinin özlərini tənha hiss etməmələri üçün onlara fiziki və mənəvi dəstək olmaq məqsədilə sosial cəhətdən əlverişsiz şəraitdə yaşayan əhalinin dəstəklənməsi üzrə ixtisaslaşmış GİD CSR Consulting şirkəti ilə birgə təşkil olunub.

Beynəlxalq Qadınlar Gününə təsadüf edən tədbirdə ahıl kişilər sığınacaqlardan olan oğlanlarla birlikdə keramika qablar üzərində rəsm çəkmək və şam hazırlamaq üzrə ustad dərsində iştirak ediblər. Paralel olaraq qızlar və yaşlı qadınlar üçün fotosessiya keçirilib.

Tədbirin sonunda kişi və oğlanlar öz əl işlərini qadınlara və qızlara təqdim etdilər.