Toy günü əsrarəngiz görünmək, gəlinliyi ilə el şənliyinə dəvət olunanları heyrətləndirmək ailə qurmağa hazırlaşan qızların çoxunun arzusudur. Bu arzularını gercəkləşdirmək ücün isə toya hazırlaşan qızlar, hələ iki-üç ay öncədən gəlinlik seçmək üçün bu xidməti təklif mağazaları gəzib ayaqdan salır, istədiyi gəlinlik paltarını tapmaq üçün xeyli zəhmət çəkməli olurlar. Ağ libası bir günlük olsa belə, əyninə geyinmək üçün bəzən aylarla axtarışda olan qızlar hər vəchlə arzuladıqları gəlinliyi tapmağa çalışır, bunun üçün oğlan evini bir ətək pul xərcləməyə, borc-xərclə olsa belə, məcbur edirlər. Milli.Az-ın apardığı araşdırma zamanı bəlli oldu ki, gənc qızların əksəriyyəti gəlinlik seçərkən, paklığın rəmzi olan ağ gəlinliklərin arxasındakı "qara fon"a diqqət yetirmirlər. Bu barədə bir qədər sonra...
Öncə qeyd edək ki, indi gəlinlik satışı ilə məşğul olan mağazaların sayı çox olduğundan, ailə həyatı qurmağa hazırlaşan qızların istədiyi üslubda gəlinlik libası seçmək imkanı var. Necə deyərlər, sadəcə gəzib-dolaşıb axtarmaq, istədiyini tapmaq lazımdır. Biz bu istəkdə olmasaq da, bu arzuda olanlara yardımçı olmaq, gəlinlik paltarlarının satışı bazarında vəziyyəti öyrənmək üçün bir neçə mağazaya, ticarət obyektinə baş çəkdik. Öncə yolumuzu gəlinliklərin satışı ilə məşhur olan mağazaların birindən saldıq. Burada satıcı Rəvanə Məmmədova bizə son dəbdə olan gəlinlikləri göstərib qiymətləri ilə tanış etdi: "Bizim mağazamızda İtaliyanın, Fransanın, İngilərənin ən son dəb gəlinlikləri var. Gəlinliklərin icarə qiymətləri 350 manatdan başlayaraq 3500-5800 manatadək dəyişir".
R.Məmmədova gəlinliklərin qiymətinin ilk növbədə, geyinilib-geyinilmədiyinə görə, dəyişdiyini söylədi: "Geyinilmiş gəlinliklərin kirayə haqqı 350-500 manata, geyinilməmişlərin kirayəsi 500 manatdan 6000 manatadəkdir".
Satıcı gəlinliklərin qiymətinin parçanın keyfiyyətinə və dəbinə, hansı firmanın istehsalı olmasına, eləcə də, üzərindəki işləmələrə daş-qaşlara görə, müəyyənləşdiyini söylədi: "Bizdə elə gəlinliklər var ki, onların qiyməti bir ildir ki, dəyişmir. Buna səbəb həmin gəlinliyin üzərində işləmələrin olması, "Svarovski" qaşlarla libasın bəzədilməsidir. Belə gəlinliklərin qiyməti 1200 manatdan başlayıb 2500, 3700 manatadək dəyişir. Ümumiyyətlə gəlinliyin üzərində "Svarovski" qaşlar nə qədər çoxdursa gəlinliyin qiyməti bir o qədər də baha olur".
Satıcı, gənc qızların son vaxtlar daha çox korset gəlinliklərə, boyundan bağlanan gəlinlik libaslarına üstünlük verdiklərini söyləyir. Onun sözlərinə görə, gəlinlik libasları hər il yenilənsə də, dəblə ayaqlaşıb gəlinlik seçənlər çox azdır.
Bu, paytaxtın məşhur gəlinlik mağazasında rastlaşdığımız mənzərədir. Paytaxtdakı iri ticarət mərkəzlərində isə tamamilə fərqli vəziyyəti müşahidə etdik. Burada qiymətlər ürəkaçan olsa da, keyfiyyət haqda bu sözləri söyləmək olmaz. Ticarət mərkəzlərinin birində bir günlük kirayəsi 170 manata da gəlinlik tapmaq olar. Burada bir günlük kirayə haqqı ən baha olan gəlinliyin qiyməti 800 manat idi ki, satıcı bu ağ libasın aylarla müştəri yolu gözlədiyini bildirdi: "Buraya gələnlər ən yaxşı halda 450-500 manatlıq gəlinlik kirayələyirlər".
Bu məkanda olarkən gəlinliklərlə bağlı maraqlı bir məqamı da öyrəndik. Sən demə, gəlinliklərin ucuz kirayə bazarında təhlükəli vəziyyət də varmış. Alıcılardan bu işdə bir qədər peşəkarı olan Sünbül xanım deyir ki, kirayəsi 150-350 manata olan gəlinliklər təmizlənmək üçün hər dəfə camaşırxanaya verilmir: "Burada elə gəlinlik var ki, hər gün, gün aşırı "prokata" verilir. Bu, çox təhlükəlidir. Gəlinlik təmizlənmədən istifadəyə verildiyinə görə, istənilən dəri xəstəliyinin yoluxma ehtimalı var. Mənim bibimin gəlini burada işlədiyinə görə, bunları bilirəm. O, deyir ki, gəlinlikləri hər dəfə təmizlənməyə vermək onlara sərf etmir".
Həmsöhbətimizin sözləri, öz təsdiqini tapdı. Burada satıcılarla söhbət zamanı bəlli oldu ki, manekenlərdəki gəlinliklərin bəziləri bu ayın 12 günü "zanyat"dır. Satıcı yaxası "büstqalter" formalı bu gəlinliyi bəyənənlər çox olduğundan, onun kirayəsi üçün günlük növbə yarandığını bildirdi. Belə halda isə gəlinliyin camaşırxanaya verilməsi qeyri-mümkündür. Bunu təsdiqləyən Sitarə adlı satıcı bildirdi ki, gəlinlik çirklənərsə, onu əlüstü müəyyən ləkə aparan təmizləyici məhlullarla özləri ağardırlar.
Dermatoloq həkim Məlahət Abbasova isə bunun təhlükəli olduğunu söyləyir. Onun sözlərinə görə, gəlinliklərin kimyəvi təmizlənməyə verilmədən təkrar kirayəyə verilməsi bir sıra təhlükəli dəri xəstəliklərinin yoluxmasına gətirib çıxara bilər: "Bəzi dəri xəstəlikləri var ki, onlar təmasla keçir. Xüsusilə, geyimlə dəri xəstəlikləri daha çox yoluxur. Paltar bədənə sürtüldükcə həmin xəstəliyin infeksiyası parçaya keçir ki, bu yolla da dəmrov, dermosit kimi dəri xəstəlikləri yayıla bilir. Hətta irinli dəri xəstəliyi də bu yolla yayıla bilər. Gəlinliklərin kirayəsi zamanı bu amilə diqqət yetirmək lazımdır. Gəlinlik heç bir halda kimyəvi təmizlənməyə verilmədən təkrar başqasına kirayə verilə bilməz. Gəlinlik seçərkən gənc qızlar dəbə, gəlinliyin modelinə necə diqqət yetirirlərsə, bu amilə də fikir verməlidirlər. Unutmaq olmaz ki, gəlinliyi kimyəvi təmizlənmədən keçmədən geyinməklə insanı eybəcər hala salan, el arasında "ala-tala" kimi tanınan dəmrov növünə yoluxmaq mümkündür".
Ləman Quluyeva
Milli.Az
DİGƏR XƏBƏRLƏR
- Günün qoroskopu: köhnə baxış və emosiyalardan qurtulun
- Boşanmaq üçün elektron müraciət necə etmək olur? - CAVAB
- Bakıda təhlükə saçan hotel: Balta ilə içəri girdi - FOTO
- Azərbaycanda gənc aparıcı vəfat etdi - FOTO
- Piştaxtadakı toyuqlar niyə fərqli qiymətə satılır? - VİDEO
- Şəhərin mərkəzində olan bina təhlükədə – Sakinlər NARAHATDIR - VİDEO
XƏBƏR LENTİ
- İbrahim Tatlıses bu gün Bakıya gəlir
- Arktikada strateji ərazi 323 milyon dollara satışa çıxarılıb
- Ukrayna Luqanskda neft anbarını vurdu: Güclü yanğın başladı - VİDEO - FOTO
- Dəbdən düşən 3 dizayn növü – Mütəxəssislər açıqladı
- Gecə növbəsində işləmək orqanizmə necə təsir edir?
- Mbappe PSJ-dən ayrılır – Özü açıqladı
- Bu da Şəbnəm Tovuzlunun makiyajsız HALI - VİDEO
- Rusiya ordusu bu istiqamətdə hücuma başladı - ABŞ
- İsraillə dialoq dalana dirənib - HƏMAS
- Bakıda daha bir bina sökülür - VİDEO
- Gürcüstanda uşaqları diləndirən şəbəkə ifşa edildi
- Günün qoroskopu: köhnə baxış və emosiyalardan qurtulun
- Bakıda taksi qiymətləri niyə bahalaşıb?
- Dişlərimizi ora-bura qıcayırıq, amma Kiyevə yardım edirik
- Günəşdə 25 ilin ən güclü partlayışı baş verib
- “Neftçi”dən böyükhesablı qələbə - VİDEO
- Qalkinin 11 yaşlı oğlu ilə paylaşdığı FOTOları başına bəla oldu
- Muxtar Babayev COMSATS-ın baş qərargahında oldu
- Dəbdən düşən 3 dizayn növü – Mütəxəssislər açıqladı
- Qazaxda Kür çayının daşması fəsadlar yaratdı - FOTOlar
- Dünyanın ən uzun ayaqlı qadını: Həyatının çətinliklərindən DANIŞDI - FOTOlar
- Günay Baxşəliyeva: “Daha gözəl qızlar vardı, amma mən seçildim” - FOTO
- Cennifer Lopez 90-cı illərin dəbini geri qaytarır - FOTO
- Bu məişət əşyasını uzadıcılara qoşmaq olmaz – Çox adam bilmir