Cəmiyyət

Daxili bazarda ikinci əl avtomobillərin alqı-satqısı asanlaşacaq - Ekspert

26 Sentyabr 2022 13:11
Baxış: 1 177

Prezident İlham Əliyevin fərmanı ilə Daxili İşlər Nazirliyinin Baş Dövlət Yol Polisi İdarəsinin mərkəzi informasiya sistemi Elektron Hökumət Sisteminə inteqrasiya olunacaq.

Milli.Az xəbər verir ki, bu barədə Trend-ə nəqliyyat sahəsi üzrə ekspert Eldəniz Cəfərov deyib.

Onun sözlərinə görə, bu sistemə daxil edilən məlumatlar bir sıra dövlət qurumları üçün də əlçatan olacaq.

"Bu sistem mövcud olan prosedurların elktronlaşdırılması və mərkəzi bazada cəmləşdirilməsidir. Bildiyimiz kimi Azərbaycan Respublikasının Yol Hərəkətinin təhlükəsizliyinə dair dövlət proqramı mövcuddur. Proqramda da qəzların sayının azaldılması istiqamətində və qəza sonrası prosedurların sürətlə icra olunmasıyla bağlı müddəalar var. Bu fərman proseslərin elektronlaşdırılması, informasiyaların daxil edilməsi qəza sonrası prosedurların sürətlə və dəqiq icra olunmasına kömək edəcək".

Ekspert bildirib ki, elektron bazanın yaradılması gələcəkdə yararsız avtomobillərin ölkəmizdə utilizasiya proqramına və ikinci əl avtomobillərin alqı-satqısına dəstək olacaq.

"Bu gün ölkəmizdə onlayn qaydada avtomobil alqı-satqısını həyata keçirmək çətindir. Amma bu qaydalar mərkəzləşdirilmiş elektron bazada olsa daxili bazarda ikinci əl avtomobillərin alqı-satqısı asanlaşar. Avtomobilin texniki vəziyyəti barədə tam dolğun elektron arayışın verilməsi təmin edilə bilər. Məsələn, bir vətəndaş digərindən avtomobil alırsa, avtomobilin texniki vəziyyətini sözlə deyil, elektron bazadan öyrənə bilər", - deyə ekspert bildirib.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics