Cəmiyyət

“Cavanşir Məmmədov cinayət məsuliyyətinə cəlb oluna bilər...”

26 May 2022 21:41
9 Şərh     Baxış: 4 242

"Əməkdar artist Cavanşir Məmmədovun verdiyi açıqlama ilə bağlı qarşı tərəf hüquq-mühafizə orqanlarına müraciət edə bilər".

Bunu Vəkillər Kollegiyasının üzvü Turan Abdullazadə bildirib.

O qeyd edib ki, əgər cinayət təqibini həyata keçirən hüquq-mühafizə orqanları onun bu açıqlamasının real əsaslarını aşkar edərsə, şəxs cinayət məsuliyyətinə cəlb oluna bilər:

"Azərbaycan Respublikasının Cinayət Məcəlləsinin 134-cü maddəsinə görə (Öldürməklə və ya sağlamlığa ağır zərər vurmaqla hədələmə) hədənin icra ediləcəyi üçün real əsaslar olduqda min manatdan iki min manatadək miqdarda cərimə, yaxud iki ilədək islah işləri və yaxud iki ilədək azadlığın məhdudlaşdırılması, yaxud iki ilədək azadlıqdan məhrumetmə ilə cəzalandırılır. Qeyd etdiyim kimi, əgər real əsaslar varsa şəxs cinayət məsuliyyətinə cəlb edilə bilər.

Düşünürəm ki, adıçəkilən şəxs açıqlamasında əsəbini ifadə edib və bu ifadəni məcazi mənada səsləndirib.

Hər bir halda, real əsaslar olmasa belə qarşı tərəf məsələ ilə bağlı cinayət təqibini həyata keçirən hüquq-mühafizə orqanlarına müraciət edə bilər. Hüquq-mühafizə orqanları şəxsin səsləndirdiyi ifadədə real əsasların olub-olmamasını araşdırıb məsələyə hüquqi qiymət verəcək".

Əməkdar artist Cavanşir Məmmədov aparıcı Lətafət Ələkbərovanın ona ünvanladığı botoks ittihamına sərt reaksiya verib.

Cavanşir Məmmədov aparıcının onun haqqında danışmasına əsəbiləşdiyini bildirib:

"Qələt edir! Mənə onun telefonunu verin, zəng edib başa salım ki, sənin tay-tuşun deyiləm. Atası yaşında adamam, getsin öz dərdi ilə məşğul olsun. Mən də ağzımı açsam, çox şey danışaram onlar haqqında. Mənim haqqımda heç kim heç nə danışa bilməz. Danışanın dilini kəsərəm! Mən hamısının zir-zibilini bilirəm. Otursunlar yerlərində! Mən sənət adamıyam, sənətkaram, şou-biznes adamı deyiləm. Haqqımda danışırlar, indi də telefonumu götürmürlər".

***

Aparıcı Lətafət Ələkbərova yeni açıqlaması ilə diqqət çəkib.

O, Əməkdar artist Cavanşir Məmmədovun "Üzümdə botoks yoxdur, əksini sübut edən şəxsə iki min manat verəcəyəm" iddiasına münasibət bildirib.

Bu barədə Lətafət ARB TV-də yayımlanan "Magazin plus" verilişinə müsahibəsində danışıb.

Ələkbərova əksini sübut etməyə hazır olduğunu bildirib:

"Cavanşir müəllim bizim verilişimizdə qonaq olub. İşıqlar onun üzünə düşəndə aydın bilinirdi ki, botoksu var. Əlim üzümdə qaldı, niyə deyirsiniz, yoxdur? Etmisinizsə, deyin, burada nə var ki? Niyə gizlədirsiniz? Kosmetoloquma aparacağam, sübut edəcək ki, üzündə botoks var. Hazıram, gəlsin. İki min manatı da gətirsin".

Aparıcı şou-biznesdə üzündə botoks olan digər kişi sənətçilərin adlarını da açıqlayıb:

"Nadir Qafarzadə, Vasif Məhərrəmli, Niyam Salami, Kərimdə də botoks var. Hətta Kərim bu yaxınlarda kök hüceyrə vasitəsilə özünü 10 yaş cavanlaşdırıb".

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

9 Şərh:

  • Anonim
    Ebru · 26 May 21:5961

    İndidə,bunların dava qırqınları başdıyacağ.Nağayracuğaa?:))

    Cavab yaz
  • Anonim
    Hm · 26 May 22:3850

    Düz deyirdə Cavanşir.Sən Lətafət kimsən ki kiməsə söz deyəsən hələ.

    Cavab yaz
  • Anonim
    Sama · 26 May 22:3830

    Bu qadin senetcilnen niye mubaise edir.

    Cavab yaz
  • Anonim
    H · 27 May 02:3761

    Kül başına, gör nəyin üstündə və nəyi sübut etmək istəyir. Botoks edib əcəb edib sənə nee

    Cavab yaz
  • Anonim
    asi · 27 May 08:4964

    Cavanşiri günahlarım qədər heç sevmirəm, ifaçı kimi..Amma adam cavanlığından səhnələrdədir, hətta dövrünün məhşur və sevilən ifaçılarından olub, Firuzə ilə birlikdə..Sevilən ifaları olub və.s..İndi bu şəxsin ən azı 30 illik məşğuliyyəti qalıb kənarda, aparıcı üzündəki botoksdan danışır, bu da aparıcının səviyyəsizliyidir..Botoksu var ya yox, öz işidir, bilirsənsə var, rahat ol, ta nəyini sübut edirsən??..Prezidentlərin bu saat botoksu var, Cavanşirdə olsa nə olacaq ki??..

    Cavab yaz
  • Anonim
    AA · 27 May 09:2851

    BU NƏ KASTYUMDU?)))))))

    Cavab yaz
  • Anonim
    Buse · 27 May 15:2321

    Ele sene yarasir bu qolsuz kostyum.Ariq..bedenive qeyri mutenasib qollarin cox biedeb gorunur.ay qoca

    Cavab yaz
  • Anonim
    User · 27 May 18:1110

    Huquq muhafize orqanlarin isi gucu qurtarib botoks meselesini arasdiracaqlar.Ayibdir vallah.

    Cavab yaz
  • Anonim
    oo · 27 May 19:0820

    bu kostyumun qollari hardadir

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics