Cəmiyyət

Rusiya və Azərbaycan alimləri Xəzəri tədqiq edəcəklər

12 May 2022 09:00
1 Şərh     Baxış: 6 083
VTB-də minimal faiz dərəcəsi ilə nağd kredit 9.9%-dən
#ELM

Rusiya və Azərbaycanın elmi təsisatları Xəzər regionunda tədqiqatlar sahəsində əməkdaşlığı gücləndirəcək.

Milli.Az Trend-ə istinadən bildirir ki, müvafiq saziş mayın 11-də Moskvada "Xəzər dialoqu" Beynəlxalq Assambleyası çərçivəsində imzalanıb.

Saziş Rusiya, Azərbaycan və Xəzər regionunun digər ölkələrində yerləşən təşkilatlar arasında elmi, texnoloji, innovasiya və təhsil sahələrində beynəlxalq əməkdaşlığın inkişaf etdirilməsi istiqamətində qarşılıqlı fəaliyyəti nəzərdə tutur.

Bura, həmçinin birgə tədqiqatlar, Xəzər dənizinin səviyyəsinin öyrənilməsi, Rusiya və Azərbaycanın sularında ekoloji monitorinq məsələləri daxildir.

Sazişin həyata keçirilməsi üçün məsləhətləşmələrin aparılması, eləcə də ekspert qruplarının yaradılması, elmi-texniki əməkdaşlıq məsələlərinə həsr olunmuş informasiya və analitik materialların buraxılması, internet resurslarının və çap nəşrlərinin inkişafı nəzərdə tutulur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.