Cəmiyyət

Qəbələyə sel gəldi - Bu kəndə gediş-gəliş çətinləşdi - VİDEO

10 May 2022 13:54
0 Şərh     Baxış: 729

Son günlər yağan şiddətli yağışlar nəticəsində Qəbələ rayonunda Qaraçay çayında selə səbəb olub. Nəticədə Dandıx və Solqıca kəndlərini rayon mərkəzi ilə birləşdirən yoldan istifadə etmək müşkülə çevrilib. Belə ki, adıçəkilən kəndlərdən rayon mərkəzinə gedən yol çayın yatağından keçir. Yağışlar nəticəsində çaydada sululuq artıdığına görə yoldan çox çətinliklə istifadə edilir. 

Milli.Az Xəzər TV-yə istinadən xəbər verir ki, yağıntılardan sonra çayda suyun səviyyəsi artdı. Kəndə gediş-gəliş çətinləşdi. 

Bura Qəbələ rayonunun Dandıx kəndidir. 220-yə qədər ailənin yaşadığı kəndi rayon mərkəzi ilə birləşdirən yol Qaraçay çayının yatağından keçir. Son günlər havaların yağıntılı keçməsi səbəbindən çayda yaranan sel yolun 3-km ə qədər hissəsini keçilməz hala salıb. Əksər avtomobillər yoldan keçə bilmir. 

Məsələ ilə bağlı Qəbələ rayon icra hakimiyyətindən verilən məlumata görə aidiyyəti qurumların rəsmiləri ilə əraziyə baxış keçirilib. Hazırda oraya cəlb olunan texnikaların köməyilə kənd sakinlərinin hərəkəti üçün şərait yaradılır. ''Sululuq çox olduğu üçün əlavə tədbirlər görmək mümkün deyil. Səviyyədə azalma olan kimi problem aradan qaldırılacaq''-deyə məlumatda bildirilib. 

Milli.Az

40 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics