Şou-biznes

"Planet Parni iz Baku"nun səviyyəsini aşağı salmışıq - Bəhram Bağırzadə - VİDEO

6 Aprel 2021 19:18
Baxış: 1 515

Mən indi yumoristik verilişlərə baxmıram, çünki səviyyələri çox aşağıdır. Bu da savadsızlıqdan və cahillikdən irəli gəlir.

Bunu ARB24-ün "Telebloq" verilişinin qonağı olan əməkdar artist Bəhram Bağırzadə deyib.

"Biz Moskvada çıxış edəndə rus "KVN"-şiklərə sübut etdik ki, Çexovu, Dostoyevskini, Tolstoyu və digər rus yazıçıların əsərlərini və ədəbiyyatını onlardan yaxşı bilirik. Ona görə də qalib gəldik. İndi isə gənclər gedib Moskvada qalib gələ bilməyəcək. Çünki savad, elm, dünyagörüşü yoxdur.

Bəlkə nə vaxtsa Azərbaycanda futbol olacaq, amma "KVN" olmayacaq", - o bildirib.

Əməkdar artist məcburiyyət qarşısında özlərini də kütlənin səviyyəsinə saldıqlarını qeyd edib:

"Planet Parni iz Baku"nun da problemi ondadır ki, biz bu gün onun səviyyəsini kütlənin səviyyəsinə salmışıq. Bu, böyük problemdir. Mən rahatam ki, hər iki zarafatı bacarıram. Amma başa düşürəm ki, bunu etmək olmaz. Lakin məcburiyyət qarşısındayam. Əks halda bilirəm ki, baxan olmayacaq".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.