Şou-biznes

Tamer Karadağlı yaşadığı evdən çıxarılır

4 İyun 2023 15:36
Baxış: 1 384
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Məşhur türkiyəli aktyor Tamer Karadağlı kirayə yaşadığı evdən çıxarılır.

Milli.Az oxu.az-a istinadən xəbər verir ki, kirayə haqqını artırmaq istədiyi üçün ev sahibi ilə məhkəməlik olan Tamer Karadağlı barəsində məhkəmə qərarı çıxıb. Məhkəmə Karadağlının evi boşaltmasına və evdən çıxarılmasına qərar verib.

Məşhur aktyorun qərardan apellyasiya şikayəti vermək hüququ var.

Keçən həftələrdə kirayə haqqını az ödədiyi xəbərləri ilə bağlı "Instagram" hesabında yazılı açıqlama verən Tamer Karadağlı ev sahibi ilə yaşadığı problemlərdən danışıb. Ev sahibinin qanuni artım limitini əsas götürmədən kirayə haqqını artırmaq istədiyini bildirən aktyor bu məsələni diqqətdən kənar qoymayacağını bildirib.

"Mətbuatda "Tamer Karadağlı kirayə haqqını ödəmədi" başlıqlı ədalətsiz xəbərlər səbəbindən açıqlama vermək məcburiyyətindəyəm. İlk gündən yaşadığım mənzilin kirayə haqqını hər ay vaxtlı-vaxtında ödəyirəm. Bu mənzilin kirayə qiyməti hər il qanuni şəkildə artırılıb. Hətta bu il qanuni artım nisbəti 25 faiz olmasına baxmayaraq kirayə haqqımı təxminən 70 faiz artımla ödəmişəm. Ev sahibinə heç bir borcum yoxdur", - deyə o qeyd edib.

"Zəlzələ və iqtisadi böhranı bəhanə edərək kirayəçilərdən astronomik artım tələb edən ev sahibləri var. Yaşadığım evin sahibi də bu fürsətdən yararlanmağa çalışaraq kirayə haqqını 10 min 500 lirədən 55 min lirəyə qədər qaldırmaq istəyir. Bu, mövcud qanuna ziddir, çox yüksək və ədalətsiz artımdır, qəbuledilməzdir. İctimaiyyətə bildirmək istəyirəm ki, həm bu işlərin qurbanı olan kirayəçilər, həm də fürsətçi ev sahiblərinə nümunə olsun deyə bu məbləği əsla ödəməyəcəyəm. Həmçinin bununla bağlı başladığım hüquqi mübarizəmi də sona qədər davam etdirəcəyəm", - deyə Tamer Karadağlı əlavə edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.