Şou-biznes

"Qarabağdan mənim də səsim gələcək" - VİDEO

28 Sentyabr 2020 17:11
Baxış: 3 333

"Nisgilli ürəklərin kamını alan igidlərim, analarınızın südü, torpağımızın çörəyi sizə halal olsun. Şəhidlərin ruhu sizi qorusun, gedənlərə Allah rəhmət eləsin".

Milli.Az axşam.az-a istinadən bildirir ki, bu sözləri Xalq artisti Flora Kərimova deyib. Sosial şəbəkədə video paylaşan müğənni ötən gün bir çox kəndin düşməndən azad edilməsi xəbərindən danışıb. O bildirib ki, sevincindən ağlayıb:

"Bizə vətənimizi bağışlayan şəhidlərin ruhu şad olsun. Sevindiyimdən ağlayıram. Sevinirəm... Bu günü yaşadığım üçün Allaha şükür edirəm. Yaradana yalvarırdım ki, üzünü bizim tərəfə çevir. Axır ki, yadına düşdük. Bu yolda səbrlə irəliləyən dövlətimə çox sağ ol deyirəm. Hamımız sizə borcluyuq.

Sevincimizi, göz yaşlarımızı, Qarabağ deyən sözlərimiz... Bayramınız mübarək. Düşünürəm ki, hələ təbriklər və xoş günlər qabaqdadır. Yaşım çatsa, Qarabağdan mənim də səsim gələcək".

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.