Şou-biznes

Müğənni Nura Suri karantin qaydalarını pozduğu üçün cərimələnib - RƏSMİ

15 İyul 2020 19:07
Baxış: 4 926

İyulun 14-də Qusar-Quba yolunda  xidmətdə olan polis əməkdaşları "Porsche Cayenne" markalı avtomobili nəzarət qaydasında saxlayıblar.

Daxili İşlər Nazirliyindən Milli.Az-a verilən məlumata görə, sürücü, Bakı şəhər sakini Aynurə Surinin (Nura Suri) və sərnişini Bakı şəhər sakini Təranə Axundovanın təqdim etdikləri sənədlər yoxlanılarkən onların xüsusi karantin reyimi dövründə verilən icazədən sui-istifadə etmələri müəyyən edilib. Belə ki, A.Suri və T.Axundova 16 gün - iyun ayının 28-dən iyul ayının 14-nə kimi Qusar rayonu ərazisindəki istirahət mərkəzində istirahətdə olublar. Ona görə hər iki şəxs  barəsində İnzibati Xətalar Məcəlləsinin 211.1-ci maddəsi ilə Protokol tərtib olunaraq hər biri 200 manat məbləğində cərimə olunublar. 

Qeyd edək ki, Aynurə Suri (Nura Suri) müğənnidir.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.