Şou-biznes

“Maaşını istəyəndə “problemli aktyor” titulunu alnına yapışdırırlar”

14 Fevral 2020 13:34
0 Şərh     Baxış: 1 694
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Son 5 ildə qiymətlər beş dəfə qalxıb, amma film, serial sektorunda hələ də irəliləyiş yoxdur! Təklif gələndə çox yox, son 5 illə müqayisədə, bir az artıq maaş tələb edirsən və 5 il də işsiz qalırsan".

Milli.Az qafqazinfo-ya istinadən xəbər verir ki, bu sözləri tanınmış teatr və serial aktyoru Səmimi Fərhad sosial şəbəkədə yazıb. Sonuncu dəfə İctimai Televiziyada yayımlanan "Kür Nəğmə" serialında rol alan S. Fərhad aktyorların aldığı qonorarın azlığından şikayətlənib:

"Təklif olunan maaşla razılaşıb işləsən belə, onu da vaxtında almırsan, tələb etdikdə isə "problemli aktyor" titulunu alnına yapışdırırlar. Şirkətlər, kanallar işimizi sevdiyimizdən, başqa bir məşğuliyyətimiz olmadığından istifadə edərək az məbləğə işlədiblər və sonda qadağa qoyublar. Üzləri ağ olmuş həmkarlarımızda da o birlik yoxdur ki, ömürlük əziyyət çəkməkdənsə, bir az əziyyət çəkib vəziyyəti düzəldələr. Meydanda tək qalırsan! Bizimlə işləmək istəyib də, işləməyən rejissorları da qınamıram. Ağa deyir sür dərəyə, sürür dərəyə".

Bundan əlavə, o, 4 ildir ki, Xəzər TV-nin "qara siyahı"sında olduğunu söyləyib: "2016-cı il dən Xəzər TV-də qadağam var. "Cehizsiz gəlinlər" serialında 3 ay bir qara qəpik də maaş almadan işlədim. Baş rola təsdiqləndiyim "Nar bağı" adlı bədii filmin iş planını serialın müqaviləsinə əsasən, hətta bir aydan da əvvəl komandaya təqdim etdim. Serialdan ayrılanda isə 3 aylıq maaşımı aldım! Baxmayaraq ki, İslam adlı şəxs tərəfindən məhkəmə ilə bundan sonra səni heç kim çəkməyəcək kimi sözlərlə hədələnirdim.

Və eləcə də digər prodakşnlarla da eyni problemlər... Əlqərəz, bu köhnə məsələləri açmağımda məqsədim "köhnə hamam, köhnə tas" məsəlini yadınıza salmaqdır. Ataların başqa bir yaxşı məsəli də var: "Aclıq bir il gedər, töhmət min il". Odur ki,  sözügedən şirkətlərə ehtiyacım yoxdur! Hər şeyin geci, tezi var".

Milli.Az

 
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.