Şou-biznes

"Fəlakəti tanıyırlar, məni yox"

5 Avqust 2019 17:11

4 Şərh Baxış: 3 059

#ŞOU-BİZNES #SOSİAL ŞƏBƏKƏLƏR #AKTYOR

Sosial şəbəkədə aktiv deyildim, ona görə də hamı Fəlakəti tanıyırdı, məni yox. Hamı məni həyatda görəndə deyirdi, niyə beləsən? Başa sala bilmirdim ki, əslində realda beləyəm, Fəlakət obrazdır. Fəlakəti sevdikləri üçün, məni elə görmək istəyirdilər. Sonradan İnstaqramda aktiv oldum və gördülər. Obrazım o qədər məşhurlaşdı ki, getdiyim rayonda mənimlə fəxr edirdilər. Deyirdilər, bizim rayonun Fəlakəti.

Milli.Az axşam.az-a istinadən xəbər verir ki, bu sözləri aktyor Elşən Orucov "Faydalı saat" verilişində deyib. "Fəlakət" obrazı ilə tanınan aktyor məşhurluğun onun həyatında etdiyi dəyişikliklərdən bəhs edib:

"Rahatlığı sevən insanam. Məşhur olursan, amma müəyyən vaxtdan sonra hər yerə gedə bilmirsən. Obraz sevilirsə, bunu davam etdirmək lazımdır. Televiziyaya gələndə reklam sahəsində çalışırdım, sonra gəldim aktyorluğa".

Elşən ssenaristlərin qıtlığından gileylənib:

"Barmaqla sayılacaq qədər insanlar var ki, komediya janrında ssenari yazırlar. Bəlkə, istedadlı adamlar başqa sahədə çalışırlar".

Milli.Az