Şou-biznes

Şou əhlinin bahalı geyimləri: Bir paltar 3600 manat...

22 İyun 2019 17:42
2 Şərh     Baxış: 2 183

Koko Şanel deyirdi ki, əvəzolunmaz olmaq üçün həmişə dəyişmək, fərqli olmaq lazımdır. Fərqli olmaq dedikdə isə dərhal göz önünə yeni geyimlər gəlir.

Yerli şou əhlinin də geyim aludəçisi olduğu heç kimə sirr deyil.

Milli.Az ulduzların bir-birindən fərqli və gözoxşayan libaslarının hansı brendə məxsus olduğunu, dəyərini "Instagram"da populyarlıq qazanan "Kim haradan geyinir?" səhifəsinə istinadən təqdim edir:

Səhnəmizin pop-divası, imicini tez-tez dəyişən Xalq artisti Aygün Kazımova gecə ziyafətlərindən birinə geyindiyi libasla diqqətləri öz üzərinə çəkməyi bacarıb. Qısa, qol hissələri muncuq və müxtəlif daş-qaşlarla bəzədilmiş qızılı rəngdə olan kübar libası "Afffair.fff" brendinə məxsusdur. Kazımovanın bu əlbisəsi 3570 manatdır. 

Səhnə tərzi ilə seçilən daha bir məşhurumuz isə müğənniGünay İbrahimlidir. Günayın seçimi bu dəfə uzun, narıncı rəngdə, dəyəri 483 manat olan, "Karren Millen" brendinə məxsus zərif və sadə libas olub.

Sadə və şık obrazı ilə seçilən Əməkdar artist Tünzalə Ağayeva da dəblə ayaqlaşan ulduzlardandır. Ağayeva ağ, uzun, kürək dekolteli, üzəri zolaqlarla bəzədilmiş əlbisəyə üstünlük verib. Tünzalənin 269 manatlıq geyimi  "Zara" markasındandır. 

Geyimi ilə diqqətləri üzərinə cəlb edənlərdən biri də xanəndə Gülay Zeynallıdır. Gülayın geyindiyi ağ rəngdə, ön hissəsi sinədən ayağa qədər düz xətlə qara düymələrlə bəzədilən 109 manatlıq libas "Mango" brendindəndir. Zeynallı geyim kombinini "Yves Saint Laurent" markasından olan 1479 manatlıq qəhvəyi ayaqqabı ilə bəzəyib. 

Bir neçə gün öncə özünə təmtəraqlı ad günü məclisi quran, adı qalmaqallarda hallanan müğənni Aysel Əlizadə isə geyindiyi qara, qısa, dekolteli əlbisəsini "Jimmy Choo" markasına məxsus eyni rəngdə, zərif ayaqqabı ilə tamamlayıb. Aysel ayaqqabısına 1488 manat xərcləyib. Eyni ayaqqabıdan isə bir müddət öncə dünya şöhrətli pop-diva Beyons istifadə edib. 

Bahalı, eyni zamanda, dəbdəbəli geyim və aksesuarları ilə diqqət çəkənlərdən biri də Azərbaycana 2011-ci ildə "Avroviziya" sevinci bəxş edən Nigar Camaldır. Nigar əyninə geyindiyi qısa, sarı libasını 1181 manatlıq "Christian Dior" markasının incə, ənlik tonunda olan ayaqqabı ilə bəzəyib.

Milli.Az

loading...

Şərh yaz:

2 Şərh:

  • Anonim
    Esra Ibrahimli(Samaxi) · 22 İyun 22:3622

    Aygün qesengdi burda.

    Cavab yaz
  • Anonim
    Zəhra · 22 İyun 23:2620

    Elxan Zeynallı deyərdi: Bir dəri , əsl dəri pencək alırsan 500 manata. 5-6 dəfə ya da ondan da az geyinib atırsan. Əgər atacaqsansa , niyə ona o qədər pul verirsən?! İndi bu müğənnilər də elə. 1000 manatlıq geyim nəyə lazım. 1-2 dəfə geyinir sonra qarderobda toz basır. Allah ağıl versin sizə Ona verdiyiniz pula məscid tikdirin, ya da Somalidəki susuzlara kömək edin. Çoxlu xəstələr var. Onlara yardım əlinizi uzadın. Axı bu təkəbbürlülük nəyə lazım?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.