"Maşın"da iştirak edəcəyi dəqiqləşən məşhurların adları - YENİLƏNİB - FOTO

19:50

Xəbər veridiyimiz kimi, teleməkanın ən reytinqli layihəsi "Maşın" şou dekabrın 13-də başlayacaq. Hazırlıq prosesi gedən layihənin məşhur 18 iştirakçısının adı açıqlanmasa da, adlar yavaş-yavaş bəlli olur.

Milli.Az musavat-a istinadən xəbər verir ki, bu dəfə son aylar ulduzu parlayan reper Ramil Nabran, müğənni Səmra Rəhimli, aparıcılar Kamilə Babayeva və Ranar Musayev də iştirakçılar arasında yarışacaq. Bu dəfəki layihənin konsepsiyası "Hind" adlanır. İştirakçılar ilk gün səhnəyə Hindistanın milli geyimlərində çıxacaq.

Layihədən imtina edənlər də var. Pərviz Bülbülə ilə oxuduğu duetlərlə məşhurlaşan Türkan Vəlizadə oyunda olmaqdan imtina edib. O, buna səbəb kimi keçirdiyi qəzanı göstərib. İfaçı sağlamlığının ayaq üstə çox dayanmağa ona imkan vermədiyini bildirib.

Müğənni Günay İbrahimli, Zenfira İbrahimova, aktrisa Sevinc Əliyeva, aparıcı Zümrüd Bədəlova da layihədən imtina edib. Günay İbrahimli, Zenfira İbrahimova, Zümrüd Bədəlova qrafiklərinin sıx olduğu üçün "Maşın"da iştirak etmək istəməyib. Aktrisa Sevinc Əliyeva isə azyaşlı övladları olduğunu səbəb göstərib.

-----------

13:25

"Maşın" realiti-şousunun başlamasına sayılı günlər qalıb.

Milli.Az axşam.az-a istinadən bildirir ki, xalq artisti Murad Dadaşovun sahibi olduğu "M group production" hər zaman olduğu kimi yenə də iştirakçıların adını sirr saxlamağa çalışıb. Amma bir neçə gündür mediada yarışmaya qatılacaq tanınmışlardan bəzilərinin adları yayılıb.

Əldə etdiyimiz məlumata görə, "Maşın"ın 17-ci buraxılışında şairə Nazilə Səfərli də yer alacaq. Digər adının bəlli olduğu məşhur isə müğənni Mina Hüseyndir. O da avtomobil ətrafında dayanan 18 iştirakçıdan biri olacaq. 17-ci buraxılışda tamaşaçılar aparıcı Firuzə Cəlilovanı da (Fira) görə biləcəklər.

Bu, Mina və Nazilənin şouda ilk iştirakı olacaq. Fira isə artıq ikinci dəfə yarışmaya qatılacaq.

Qeyd edək ki, bundan əvvəl şouda iştirak edəcək iştirakçılardan əməkdar artist Rühəngiz Allahverdiyeva, aktyor Taleh Yüzbəyov, meyxanaçı Ələkbər Yasamallının adı mediada açıqlanmışdı.

Şou dekabrın 13-dən etibarən ATV kanalında yayımlanacaq.

Milli.Az