Şou-biznes

Faiq Ağayev söz verdi: "Bunu 100 faiz F.A deyir!!!"

8 Sentyabr 2011 09:00
0 Şərh     Baxış: 630
VTB-də minimal faiz dərəcəsi ilə nağd kredit 10.49%-dən
Azərbaycanın xalq artisti, müğənni Faiq Ağayev yeni mövsümə bir sıra yeniliklərlə başlayır. Milli.Az xəbər portalına açıqlama verən F.Ağayev çoxdandır gözlənilən və hələ də baş tutmayan solo konsertdən söz açdı: "Yeni mövsüm başlayır və qanın qaynayan vaxtıdır. Amma gəlin, 2, 5 və 10 addım önə baxmayaq. Zamanı çatanda olacaq. Hamı bilir ki, jurnalistlərə bəlkə də ən açıq müğənnilərdən biriyəm və bu xəbəri mütləq deyəcəyəm. Mənim üçün sirr deyil ki, tamaşaçılarım darıxırlar. Mən də darıxmışam, ən azı, mətbuat konfransları üçün. Olacaqsa əgər, söz, mütləq hər kəsi dəvət edəcəm. Bunu 100 faiz F.A deyir!!!"

"Əvvəllər deyirdilər ki, Faiq Ağayev ən məhsuldar ifaçılardandır..." sualını müğənni yarımçıq qoydu: "İndi nə dəyişib ki? Mənim üçün kəmiyyət heç vaxt əsas amil olmayıb. Əgər biz bir ay ərzində bir mahnı ərsəyə gətirə biliriksə, bu, gözəldir. Ancaq 3 ay ərində 1 keyfiyyətli mahnı təqdim ediriksə, bu, daha da gözəldir. Mən say hesabını çoxaldıb, keyfiyyəti aşağı sala bilmərəm".

Deyirlər indi keyfiyyətli musiqi bəstələyən də azalıb. Müğənni bu fikrə də münasibət bildirdi: "Biz yəgin qocalmışıq. Başlayırıq "dığ-dığ" etməyə. Əvvəllər su da dadlı idi, hava da gözəl idi. Yoxdur belə şey! Mənə elə gəlir ki, hər zamanın bir özəlliyi var. Yəgin indi belə lazımdır. Nə olub ki bizə? Özümüzü gözə gətirməyək. Qoy heç kim bilməsin ki, işlərimiz yaxşı gedir".

Mələk
Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.