Şou-biznes

Möcüzə baş verdi: model Günay Musayeva "Best Model of the World"da yarışacaq!

30 İyul 2011 19:55

Baxış: 1 795

VTB-də minimal faiz dərəcəsi ilə nağd kredit 9.9%-dən

#AZERBAİJAN #BULGARİA

Trend Life-nın aldığı xəbərə görə, Bolqarıstanın Plovdiv şəhərində bu axşam - 30 iyul Bakı vaxtı ilə saat 23:00 keçirilən "Best Model of the World" yarışmasında jurinin gözlənilməz qərarına əsasən Azərbaycan adından model Günay Musayeva finalda iştirak edəcək.

Yarışmanın final mərhələsində iştirakının detalları barəsində danışmayan model, əsas nəticənin olduğunu diqqətə çatdırdı.

"Yadınızdadırsa, elə Trend Life-a verdiyim müsahibəmin sonunda bildirmişdim ki, möcüzələrə inanıram. Və inanın, həyatımda əsl möcüzə baş verdi. Və təşkilatçılar "Best Model of Azerbaijan-2010"nun qalibi kimi məni dəvət etdilər. Artıq neçə gündür Bolqarıstanın Plovdiv şəhərindəki modellərin yerləşdikləri şəhərçiyikdəyəm. Bugün podiuma çıxıb, rəqiblərimlə yarışacağam. Birinci olub-olmayacağım elə də önəmli deyil. Əsas odur ki, mən burdayam" - Günay belə dedi.

Məlumat üçün bildirək ki, müsabiqə Bolqarıstan Televiziyası ilə yanaşı peyk vasitəsi ilə açıq yayımla Türkiyənin TV 8 tele-kanalında da nümayiş olunacaq. Oxucularımız sözügedən televiziyanın www.tv8.com.tr internet səhifəsinə daxil olub, yarışmanı canlı izləmək imkanından da yararlana bilərlər.

Günay Musayeva bol şanlar arzulayırıq!

Milli.Az