Nadir Qafarzadə ödüldən imtina etdi: "Məni narahat etməyin"

Ötən gün "Number One" mükafatlandırma mərasiminə qatılan müğənni Nadir Qafarzadə ona təqdim olunan mükafatdan imtina edib. Bu barədə Milli.Az-a müğənnin özü məlumat verib. İfaçı buna səbəbsə təşkilatçılığın normal vəziyyətdə olmamasını göstərib:

"Ötən gün xoşagəlməz bir nüansla qarşılaşdım. Belə ki, bir müddət öncə təşkilatçı məni özünün təsis etdiyi "Number One" mükafatının təqdim etmə mərasiminə dəvət etməyə çağırmışdı. Hörmətsizlik olmasın deyə ötən gün mükafat verilən məkana getdim. Məqsədim mükafat almaq deyildi. Sadəcə, bu tədbiri təşkil edənlərə qarşı bir jest idi. Bir sözlə, həmin tədbirə getdim. Amma kaş getməzdim.

Çünki təşkilatçılıq sıfır dərəcəsində idi. Ədalətsizlik də var idi. Çünki elə bir gənc müğənnilərə mükafat verirdilər ki, mən o sırada özümü görmədim. Buna baxmayaraq həmin gənclərə uğurlar arzulayıram. Mükafat alanlar sırasında hörmət etdiyim sənətçiləri də görmək olardı. Onlar mükafata layiq idi. Orada olan bəzi gənc müğənnilər söylədiyim fikirlərdən inciməsin. Mənim kimdənsə çəkinəcəyim yoxdur.

Obyektiv sözümü hər zaman demişəm, deyirəm, deyəcəm. Ötən gün ən böyük iradım, həmin tədbirin təşkilatçısına idi. İşə qarşı bu cür məsuliyyətsizlik olmaz. Təşkilatçılıq sıfır dərəcəsində idi. Qaldı ki şou-biznesdə bütün nominasiyalarda "Nömrə-1" müğənni mükafatını mənə təqdim olunmasına, bunu istəmirəm, gərəksizdir. Özüm bilirəm ki, məndən yoxdur. Şou-biznesdə bir Nadir Qafarzadə var. O da mənəm. "Nömrə-1" olduğumu hansısa təşkilatın verdiyi mükafatla təsdiqləmək niyyətində deyiləm. Bu mükafatı mükafat alarkən sevincdən uçanlara, sosial şəbəkədəki səhifələrində fərəhlə paylaşanlara təqdim etmək gərəkdir. Bu qədər.

Xahiş edirəm bundan sonra bu cür təqdimetmə, mükafatlandırma mərasimlərinə dəvət etməyin. Xəbərdarlıq edirəm. Getyməyəcəm. Məni narahat etməyin".

Milli.Az