Şou-biznes

Muğam ifaçıları arasında qalmaqal düşdü: "Səsi də özü kimi..."

30 Oktyabr 2013 14:53
1 Şərh     Baxış: 8 984
VTB-də minimal faiz dərəcəsi ilə nağd kredit 10.49%-dən
#MƏDƏNİYYƏT #QALMAQAL
Xalq artisti, tanınmış muğam ifaçısı Mələkxanım Əyyubova aznews.az-a müsahibəsində xanəndələrlə bağlı ittiham irəli sürüb.

Sənətkar bildirib ki, 30 ildə "Rast" muğamının bir ifaçısı olub:

"Otururlar muğam müsabiqəsində, guya ad çəkmirlər, "Rast"dan danışırlar. Otuz ildə "Rast"ı bir qadın oxuyub, o da mənəm. Onların hərəkətinə, səviyyəsinə sənətimlə cavab verəcəyəm. Onlar daxillərindəki paxıllığı öldürə bilmirlərsə, mən nə edim?"

Əməkdar müəllim, muğam ifaçısı Qəzənfər Abbasov isə aznews.az-a açıqlamasında Mələkxanım Əyyubovanın səsinin "Rast" muğamı ilə qətiyyən uzlaşmadığını bildirib: "Bu muğamı mərhum sənətkarlarımız Həqiqət Rzayeva və Gülxar Həsənova gözəl oxuyublar. Onlardan sonra "Rast"a muğam ifaçısı Bəsti Sevdiyeva müraciət edib. Bu günlərdə isə Muğam Mərkəzində Mələkxanım Əyyubovanın ifasında eşitdim.

Amma bir müəllim kimi deyə bilərəm ki, Mələkxanım "Rast"ın öhdəsindən 100 faiz gələ bilmədi. Onun səsi bu muğama düşmürdü. O, deyə bilər ki, "Mahur-hindi" muğamını yaxşı oxuyub. "Rast"ı onun kimi oxuya bilmədi. "Rast" dolu, ağır səs istəyir. Mələkxanımın isə səsi özü kimi oynaqdır".

Xalq artisti Mənsum İbrahimovun fikrincə, "Rast" muğamı kişi səsi üstündədir: ""Rast" muğamını bizim qadın xanəndələrimizdən Səkinə İsmayılova, Bəsti Sevdiyeva və Mələkxanım Əyyubova oxuyublar. Müraciət edirlər. Ancaq deyirlər ki, "Rast" kişi muğamıdır. Ona görə kişi muğamıdır ki, orada maye şöbələri oxumaq qadın üçün çətindir. Bu muğam zil səs istəyir. O baxımdan deyirlər ki, qadınlar daha çox "Şahnaz", "Qatar" muğamlarını oxuyurlar".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.