Maraqlı

140 min illik tapıntılar dünyanı şoka saldı

22 May 2025 04:04
Baxış: 1 424
VTB-də minimal faiz dərəcəsi ilə nağd kredit 9.9%-dən
#MARAQLI

Beynəlxalq arxeoloqlar qrupu Yava adası yaxınlığında Madura boğazının dərinliklərində insanların qədim əcdadlarından olan "Homo erectus"un kəllə sümüyü fraqmentlərini və 36 müxtəlif heyvan növünün qalıqlarını tapıblar.

Milli.Az xəbər verir ki, Leyden Universitetinin araşdırmaçısı və tədqiqatın həmmüəllifi Harold Berqheys bildirib ki, bu tapıntılar "Homo erectus"un yalnız Yava adasında deyil, həmçinin Asiya materiki ilə İndoneziya adaları arasında yerləşən qədim quru körpüsü olan Sundalendin geniş düzənliklərində də məskunlaşdığını göstərir.

Tapıntılar arasında ən maraqlı olan isə qədim insanların iri öküzləri ovlaması və sümük iliyi yığması ilə bağlı sübutlardır. Bu, qədim insanlar arasında mədəni mübadilənin olduğunu göstərə bilər. Həmçinin, tapıntılar arasında tısbağa bağalarının kəsilməsi, pəhrizin əhəmiyyətli hissəsini təşkil edən mollyuskların qalıqları və Asiya begemotları, Komodo kərtənkələləri və çay köpəkbalığı kimi nəsli kəsilmiş heyvanların sümükləri də yer alır.

Tədqiqatçıların fikrincə, tapıntıların yaşı təxminən 140 min ildir. O dövrdə Sundalend, müasir Afrika savannasına bənzəyirdi, burada fillər, kərgədanlar və digər iri heyvanlar çaylar boyunca meşəliklərdə yaşayırdılar.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.