Maraqlı

İkibaşlı ilan hər kəsi təəccübləndirdi

22 May 2025 06:06

Baxış: 2 961

VTB-də minimal faiz dərəcəsi ilə nağd kredit 9.9%-dən

#ABŞ #HEYVANLAR

ABŞ-də nadir hallarda rast gəlinən iki başlı ilan artıq 7 aydır ki, sağlam şəkildə yaşayır və görünür ki, ikinci başı onun gündəlik həyatına ciddi təsir göstərmir. Bu barədə "Popular Science" məlumat yayıb.

Milli.Az xəbər verir ki, Kaliforniyanın Berkli şəhərində yerləşən "East Bay Vivarium" laboratoriyasının əməkdaşları yeddi ay əvvəl inkubatordan çıxan ilan balasını gördükdə böyük təəccüb yaşayıblar. "Lampropeltis californiae" növünə aid olan bu zəhərsiz ilan balasının iki başı var.

Adətən ABŞ-nin qərb bölgələrində yayılan bu ilan növü yarımsəhra ərazilərdə, seyrək meşəliklərdə və çay kənarındakı kolluqlarda yaşayır. Uzunluğu 1,5 metrə qədər çatır və insanlar üçün təhlükəli sayılmır. Əsasən kərtənkələ, gəmirici və digər ilanlarla qidalanırlar.

Maraqlıdır ki, bu iki başdan yalnız biri aktiv şəkildə qidalanır və dominant rol oynayır. İkinci baş isə demək olar ki, yeməyə maraq göstərmir, qida qəbul etməyə cəhd belə etmir. Laboratoriya mütəxəssisləri ikinci başın heç bir həyati orqanı idarə etmədiyini və onun qida borusunun bədənin birləşdiyi nöqtədə bitdiyini ehtimal edirlər.

Bu qeyri-adi canlı alimlər üçün həm bioloji, həm də davranış baxımından maraqlı bir tədqiqat obyektinə çevrilib.

Asya
Milli.Az