Şou-biznes

"Sevimli "quşcuğazım", axı mənimlə evlənəcəyinə söz vermişdin" - Rəşid Behbudovun qızı - (Foto)

27 Avqust 2026 12:00

Baxış: 2 063

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #QALMAQAL #XALQ ARTİSTİ #ƏMƏKDAR ARTİST

Əfsanəvi müğənni Rəşid Behbudovun qızı, Əməkdar artist Rəşidə Behbudova Xalq artisti və Milli Məclisin deputatı Polad Bülbüloğlunun üçüncü dəfə ailə qurması ilə bağlı yayılan xəbərlərə münasibət bildirib.

Milli.Az xəbər verir ki, Rəşidə Behbudova sosial media hesabında paylaşım edərək məsələ ilə bağlı zarafat edib.

"Mənim sevimli 'quşcuğazım'. Axı sən mənimlə evlənəcəyinə söz vermişdin, uzun illər mənə and içmişdin. Nə oldu? Hətta məni Müslüm Maqomayevdən şəxsən istədin. Ah, necə də böyük xəyanətdir, vəfasızlıq", - deyə sənətçi yazıb.

Qeyd edək ki, Rəşidə Behbudovanın atası Rəşid Behbudova görə Polad Bülbüloğlu ilə münasibətlərinin bir müddət soyuq olduğu bildirilir. Hazırda Əməkdar artist Kamil Şahverdiyevlə evlidir və bir oğlu var.

Bir müddət əvvəl 81 yaşlı Polad Bülbüloğlunun 48 yaşlı Əməkdar artist və rəqqasə Eteri Cəfərova ilə evləndiyi barədə məlumat yayılmışdı. Polad Bülbüloğlu isə sonradan bu xəbəri təkzib etmişdi.

Müəllif: Tural Hüseyn (Milli.Az redaktor)