Şou-biznes

"Cabir ölümünü hiss edirdi"

5 May 2026 14:14

Baxış: 1 972

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #ƏMƏKDAR ARTİST #AKTYOR

"Onun böyük ürəyi var idi, olduqca həssas qəlbli idi. Məndən fərqli olaraq bütün ağrıları daxilində çəkirdi. Nə atasına, nə anasına, nə ailəsinə danışırdı. Ancaq mənə danışırdı".

Milli.Az xəbər verir ki, bu sözləri Əməkdar artist Tahir İmanov "Söhbət var" proqramında danışıb. Aktyor ötən il sentyabrda qəfil üərktutmadan dünyasını dəyişən qardaşı, Əməkdar artist Cabir İmanovdan danışıb. O bildirib ki, C.İmanov ölümünü əvvəldən hiss edib:

"Gecə zəng vurdu ki, işdən əvvəl görüşək, dərdləşək. Ölümünə 1 həftə qalmış Şuşaya getdik. Bəstəkar Süleyman Ələsgərovla bağlı 3 ildir film çəkirik. Zəng vurdu ki, Şuşa çəkilişini nə vaxta salırsan? Cavab verdim, oktyabrda. Qayıtdı ki, əvvələ sal, qorxuram sonra çatdırmaram. Ömrünün sonunu hiss edirdi.

İkinci fakt bizim övladlarımız filmdə çəkilib. Cabirin oğlu Süleyman Ələsgərovun uşaqlığını, qızım həyat yoldaşını, digər qızım bacısını canlandırıb. Bakıdan gec gəlməli idi, dedi ki, Cahangir səninlə getsin. Heç vaxt belə şey olmayıb. Çəkilişi bitirdik, dedim bitdi. Mənə dedi ki, qoy hamı getsin, ikimiz qalaq, Şuşanı gəzək, uşaqlıq yerlərində olaq. Harada qaçmışıq, uşaqlarla oynamışıq gəzək. 2 saat Cabirlə gəzdik. Qarış-qarış gəzdik, doğulduğumuz evdən yuxarı məhlələrə kimi... Ayaqla gəzib, hava qaralanda otelə qayıtdıq. İnsan nəyisə hiss edir. O, nəyisə hiss edirmiş ki, uşaqlıq yerlərini gedib gəzdi.

Fikir edirdi ki, niyə bizə qadağalar qoyublar, get araşdır. Cavab verirdim ki, düzələcək, qismətimizdir. İstənilən sənətkarın karyerasına bu qadağa yaraşıq verir. 2019-cu ildə Ölkə rəhbəri ilə görüşdük və qadağa aradan qaldırıldı. Cabirin sevincinin həddi yox idi, özünə yer tapa bilmirdi". /Axşam.az

Milli.Az

Milli.Az - Xəbər Portalı

"Cabir ölümünü hiss edirdi"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?