Şou-biznes

Bu da Nəfəsin köçə bilmədiyi evi - "70 minə təmir etmişik" FOTO

23 Fevral 2026 17:27

Baxış: 2 272

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MÜĞƏNNİ #ŞİRKƏT #EV

Müğənni Günel Məmmədli (Nəfəs) sosial şəbəkə vasitəsilə müraciət yayımlayıb və təmir etdirdiyi evinə köçə bilmədiyini iddia edib.

Nəfəs tikinti şirkətinin sahibi Orxan Bünyadzadənin onun bütün pulunu aldığını, lakin evinin təmirini tamamlamadığənı bildirib. Çətin vəziyyətdə olduğunu bildirən müğənni ailəsi ilə əlacsız qaldığını deyib.

Məsələ ilə bağlı Milli.Az-a danışan Orxan Bünyadzadə bildirib ki, müğənninin dedikləri həqiqəti əks etdirmir:

"Nəfəs xanımın qərəzli çıxıaşına qarşı açıqlama vermək istəyirəm. 160 kv/m mənzil sahəsidir. Deyib ki, mebellər yoxdur, təmir bərdaddır. Mebellər hamısı evindədir. Kvadratı 450 manatdan - 70 minə təmir etmişik. Sökütü işi də buna daxil olub. Şirkətimizə 2 bəylə gəldi. Bildirmişdi ki, biri həyat yoldaşı, digəri komissiya üzvüdür. Qiymətdə razılaşdıq, getdilər. Təhvil vermə ilə bağlı gecikmə Nəfəs xanıma görə olub. Rəng seçimlərində lazım olan vaxt işi bağlı başqa ölkələrdə, rayonda səfərdə olduğu günlərə düşürdü, yaxud gəlmirdi. Deyirdi ki, məsəhət bildiyiniz kimi edin. Dostumun tanışı idilər. 7 ay öncə qiymət danışmışıq, endirim istədi, yenidən razılaşıb təmirə başladıq. Mebellər quraşdırmaya hazır olanda yenə endirim tələb etdi ki, 200 faiz üzərinə qoyulub. Öz tanışlarına hesablatdılar ki, 11 min mayası olan mebel 17 min deyilib - 6 min manat fərqlə. Heç kimi deyə bilməz ki, pulu yeyilib. Ustalara da işi təhvil verməyənə qədər ödəniş etmirik. Mənasını bilmədiyi "Quldur" adını qoyur. Onun mənası nədir bilirsən? Şou əhlisən, belə çıxışlara öyrəşmisən. Bu yaşına kimi asayiş pozuntusu etməmişəm. Şikayətin varsa, qanun çərçivəsində etmək olardı. O zaman hamı Tik-Toka çıxmalıdır? Yanlış bizdədirsə, həll edirik, ödənişiniz qalıbsa, siz verirsiniz, biz də işi tamamlayırıq".

Milli.Az