Şou-biznes

Canlı yayımda arvadından üzr istədi

11 Noyabr 2025 18:34
Baxış: 1 769
VTB-də minimal faiz dərəcəsi ilə nağd kredit 9.9%-dən
#MƏŞHURLAR #AİLƏ #AKTYOR #APARICI #TÜRKİYƏ ŞOUBİZNESİ

Keçmiş həyat yoldaşları ilə bağlı açıqlamaları ilə gündəmə gələn məşhur şoumen Mehmet Ali Erbil bu dəfə də şəxsi həyatı ilə diqqət mərkəzinə düşüb.

Milli.Az xəbər verir ki, üç ay əvvəl evləndiyi həyat yoldaşı Gülseren Erbil ilə aralarında gərginlik yaşandığı və Gülserenin evdən ayrıldığı iddialarının ardından Mehmet Ali Erbil canlı yayımda üzr istəyib.

Ər-arvad arasında yaranan soyuqluğa səbəb Mehmet Ali Erbilin bir proqramda keçmiş həyat yoldaşları haqqında dediyi sözlər olub.

O, həmin verilişdə "Bütün arvadlarıma xəyanət etdim. Hamısından üzr istəyirəm. Amma aralarından birinə çox haqsızlıq etdim. O, saf və məsum bir insan idi. Kaş ki, onu tərk etməsəydim" deyib. Bu sözlərin 2001-ci ildə evləndiyi Sedef Altuntaş üçün söyləndiyi iddia edilib.

Açıqlamadan sonra həyat yoldaşı Gülseren Erbilin incidiği və evi tərk etdiyi bildirilmişdi.

Mövzu ilə bağlı Mehmet Ali Erbil canlı yayımda belə deyib:

"Gülseren Erbili çox sevirəm. Hələ də ona aşiqəm. Bu yaşımda mənə bu sevgini yaşatdığı üçün şükür edirəm. Onu çox incitmişəmsə, üzr istəyirəm. Ona olan sevgim gerçəkdir".

Canlı yayımda səslənən bu sözlərdən sonra Gülseren Erbil də sosial mediada paylaşım edərək münasibət bildirib:

"Bəzi sözləri məni kədərləndirdi, amma bu, uğursuz bir açıqlama idi. O, keçmişindən danışdı. Mən əminəm ki, ərim məni sevir. Əgər sevməsəydi, mənimlə evlənməzdi". /Musavat.com

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.