Şou-biznes

Jurnalisti söyən məşhur aktyora kəllə atdılar - VİDEO

28 Sentyabr 2025 19:08

Baxış: 376

VTB-də yüksək depozit faizleri daha çox qazandırır

#VİDEO #AKTYOR

İstanbulda tanınmış aktyor Nejat İşlerlə müxbir arasında baş verən insident sosial mediada geniş rezonans doğurub. Uzun müddətdir ekranlardan uzaq qalan aktyorun bir məkandan çıxışı zamanı jurnalistlərin sual vermək cəhdi gərginlik yaradıb.

Milli.Az Türkiyə mətbuatına istinadən xəbər verir ki, məkanın çıxışında aktyora yaxınlaşan jurnalist, ondan yeni layihələri haqqında danışmasını xahiş edib. Lakin Nejat İşler bu vəziyyətdən narazı olaraq, sualları cavablandırmaq istəməyib və uzaqlaşmağa çalışıb.

Bir müddət sonra sualların davam etməsi aktyoru əsəbləşdirib. O, jurnalistin "Sevilən bir aktyorsunuz, layihələrdən danışa bilərsinizmi?" sualına əsəbi şəkildə və söyüşlə cavab verib:

"Mən sevilən aktyor deyiləm, məni rahat buraxın!"

Sual verməyə davam edən jurnalistə qarşı Nejat İşler daha sərt ifadələr işlədib. Yanında olan bir nəfər də jurnalistə yaxınlaşaraq, aktyorun narazılığını çatdırmağa çalışıb.

Jurnalist mikrofonu yerə qoyaraq Nejat İşlerə "kəllə atıb".

Hadisədən sonra yayılan videoya sosial şəbəkələrdə fərqli reaksiyalar verilib. Bəzi izləyicilər jurnalisti günahlandıraraq belə yazıblar: "Adam açıq-açıq narazıdır, sən hələ də mikrofonu ağzına tutursan." "Təhrik edirsənsə, cavab da alarsan."

Digər tərəf isə Nejat İşlerin əvvəlcədən söyüşlə cavab verməsini doğru saymayıb və bu davranışı tənqid edib.

Lalə Qüdrətova
Milli.Az