Şou-biznes

“Eşref Rüya”ya yeni düşmən gəlir - FOTO

30 Avqust 2025 00:21
Baxış: 345
VTB-də yüksək depozit faizleri daha çox qazandırır

Kanal D-nin ən çox səs-küy yaradan layihələrindən biri olan "Eşref Rüya" serialı tamaşaçıların diqqət mərkəzində qalmağa davam edir.

Çağatay Ulusoy üçün böyük uğur qazandıran "Eşref Rüya", "Siz hepiniz Eşref Tek" repliqi ilə fenomenə çevrilib. Serialda Ulusoya məşhur aktrisa Demet Özdemir tərəfdaşlıq edir.

Eşref və Nisan obrazlarının çətinliklərlə dolu məhəbbət hekayəsini izlədiyimiz serial hazırda ikinci mövsümə hazırlıq görür. Məlumata görə, yeni mövsümdə heyətdə ciddi dəyişikliklər ediləcək.

Jurnalist Birsen Altuntaşın verdiyi xəbərə əsasən, ikinci mövsümdə Eşref Tek obrazının qarşısına yeni bir düşmən çıxacaq. Bu obraz - Dinçer Burçay olacaq və onu tanınmış aktyor Taner Rumeli canlandıracaq.

Son olaraq "Deha" serialında Karga adlı mənfi obrazı canlandıran Taner Rumeli, bu dəfə də neqativ xarakterlə tamaşaçı qarşısına çıxacaq. O, "Eşref Rüya"da Eşrefə rəqib olan bir prodüserlik şirkətinin CEO-su rolunda ekranlara gələcək.

Dinçer Burçay obrazının hekayəsi, yalnız Eşreflə rəqabətlə məhdudlaşmayacaq. Onun keçmişi və şəxsi həyatı, Eşrefin sevgilisi Nisanı da dərindən sarsıdacaq hadisələrin başlanğıcı olacaq.

Lalə Qüdrətova
Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.