Şou-biznes

Məşhur türkiyəli aktyorun inanılmaz sərvəti...

8 İyun 2025 23:04

Baxış: 1 948

VTB-də minimal faiz dərəcəsi ilə nağd kredit 9.9%-dən

#SERİALLAR #AKTYOR

Aktyorluqla yanaşı daşınmaz əmlak yatırımları ilə də gündəmə gələn məşhur türkiyəli aktyor Burak Özçivit, əmlak sərvətini artırmaqda davam edir. Son olaraq Bodrumun Gümüşlük bölgəsindəki torpaq sahəsində həyata keçirdiyi layihə ilə 3 yeni villa sahibi olan aktyorun ümumi sərvəti dodaq uçuqladıb.

Milli.Az Türkiyə mətbuatına istinadən xəbər verir ki, 2019-cu ildən bu yana ATV telekanalında yayımlanan "Kuruluş Osman" serialında "Osman bəy" obrazını canlandıran Burak Özçivit, həm Türkiyədə, həm də xaricdə, xüsusilə də Ərəb dünyasında geniş bir pərəstişkar kütləsinə malikdir.

Aktrisa Fahriyə Evcenlə evli olan və aktyorluq sahəsində uğurla yoluna davam edən Burak Özçivit, son illərdə qazancını əsasən daşınmaz əmlaka yatırıb. "Gazete Magazin" jurnalistlərindən Umut Ünverin verdiyi məlumata əsasən, Burak Özçivitin sərvəti artıq 1 milyard Türk lirəsini keçib.

Son olaraq Bodrumun Gümüşlük bölgəsindəki torpağında həyata keçirdiyi layihə nəticəsində 3 yeni villanı portfelinə əlavə edən aktyorun, Gündoğan bölgəsində bir villasının, İstanbulda isə 2 lüks villasının olduğu bildirilir.

Lalə Qüdrətova
Milli.Az