İdman

Dünya nəhəngindən Barış Alper həmləsi

2 May 2026 00:35
Baxış: 3 689
VTB-də minimal faiz dərəcəsi ilə nağd kredit 9.9%-dən
#QALATASARAY

"Arsenal"ın Barış Alper Yılmazı izləmək üçün xüsusi nümayəndə göndərdiyi və mövsüm sonunda rəsmi təkliflə "Qalatasaray"ın qapısını döyəcəyi gözlənilir.

Milli.Az xəbər verir ki, "Arsenal"ın idman direktoru Andrea Berta "Fənərbaxça" derbisini tribunadan izləyərək 25 yaşlı futbolçunun performansını canlı təqib edib.

İngiltərə klubunun rəsmilərinin Barış Alperə tam xal verdiyi bildirilir.

"Arsenal"ın mövsüm sonunda transfer üçün rəsmi danışıqlara başlaması planlaşdırılır.

Futbolçu ilə yalnız "Arsenal" deyil, Fransanın "Monako" klubu da yaxından maraqlanır.

Mövsümün əvvəlində Səudiyyə Ərəbistanından gələn 35 milyon avroluq təklifin isə rədd edildiyi xatırladılıb.

Futbolçunun müqaviləsində onun keçmiş klubu olan "Keçiörəngücü"nə satışdan 20% pay verilməsi maddəsi var.

"Qalatasaray" rəhbərliyinin bu maddə ilə bağlı yaxın günlərdə keçmiş klubla görüşəcəyi gözlənilir.

Yaxınlaşan Dünya Kuboku faktoru da futbolçunun transfer dəyərini daha da artıra biləcək əsas amillərdən biri kimi qiymətləndirilir.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.