Şou-biznes

"Əlinizdəki pulları gözə soxmayın"

23 Aprel 2025 16:45
Baxış: 1 318
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MƏŞHURLAR #TOY #MÜĞƏNNİ #ƏMƏKDAR ARTİST #ŞOU

Əməkdar artist Nüşabə Ələsgərli toy məclislərində əllərində verilən pulları nümayiş etdirən həmkarlarını tənqid edib.

Milli.Az xəbər verir ki, müğənni Şəbnəm Tovuzlunun toyda ona verilən şabaşı nümayiş etdirməsinə belə fikir bildirib:

"Bu məclislərin də müəyyən qonorarı var. Əlavə olaraq toyda nəsə bağışlayırlar. Vaxtı ilə mənə də qızıllar bağışlayıblar. Bu həmişə olub. O vaxt göstərməmişik. Göstərəndə də nə olar ki? Mən belə şeyə pis baxmıram. Həm də təqdim etməyin forması var. Məsələn, mənə toyda pul verən kimi əlimdə sıxıram ki, görünməsin. Daha sonra köməkçim gəlir və ona verirəm. Mən o pulu əlimdə sağa-sola nümayiş etdirmirəm. Yəqin ki, sırf bu tamaşaçıları qıcıqlandırır. Pulu verən də bizim xalqımızdır, qazanan da bizim vətənin balasıdır. Sadəcə toyda pul verəndə kamera qarşısında oynatmayın. Gözümü açandan toyları xalq düşmənlərinin məclisi kimi pisləyiblər. Bu sənin, mənim balamın toyudur da... Bunun nəyi pisdir? Həmişə toy oxuyanları pisləyiblər. Toya ayıb bir şey kimi baxıblar, elə bil özləri etməyiblər".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.